გუშინ, იტალიურმა გამოცემამ „Corriere dello Sport“ „ნაპოლის“ სამომავლო პერსპექტივებზე წერილი გამოაქვეყნა.
„თავიდან ეს საზაფხულო მოლოდინი, შესაძლოა, იმედიც იყო, მაგრამ რამდენიმე თვისა და ერთად გატანილი 18 გოლის შემდეგ, ისტორია უკვე ძალიან სერიოზული გახდა. ახლა ოსი და კვარა მზად არიან, კვლავ დაბრუნდნენ მთავარ გვერდზე. ისინი მზად არიან, ისევ ირბინონ, შეარულონ დრიბლინგები და გაიტანონ გოლები, როგორც ეს იყო სეზონის პირველ ნაწილში, რომელშიც ერთად მხოლოდ დროდადრო თამაშობდნენ. ოსიმენის კუნთის ტრავმისა და კვარაცხელიას წელის პრობლემის შუალედში, ამ ორმა მოთამაშემ ერთად სულ 11-ჯერ ითამაშა – ჩემპიონთა ლიგასა და „სერია A“–ში ჯამში გამართული 21 შეხვედრიდან. ცოტაა, არა? მაგრამ რაც მათ შეძლეს და გააკეთეს, ბრწყინვალე და შთამბეჭდავია.
ზაფხულის ეჭვები ამ დროისთვის უკვე იქცა საშობაო თავდაჯერებულ მოლოდინად 2023 წელთან მიმართებაში – სწორედ მათზე იქნება დამოკიდებული სკუდეტოსკენ სწრაფვა. სწორედ ამ ორი ძალიან კარგი და ამბიციური ბიჭის თამაშისა და გოლების სჯერა „ნაპოლის“ თითოეულ გულშემატკივარს. ეს არის ამბავი ორი პარალელური სამყაროს შესახებ, რომლებიც იკვეთებიან ოცნების კარიბჭესთან, სახელწოდებით სკუდეტო. თქვენ გაქვთ გასაღები და ეს არის Osi & Kvara-ს „ნაპოლი“.
2026 წლის მსოფლიოს საფეხბურთო პირველობას სამი ქვეყანა – აშშ, მექსიკა და კანადა უმასპინძლებს.
2017 წელს ფიფამ მსოფლიოს ჩემპიონატის მონაწილეთა რაოდენობა 48-მდე გაზარდა, რაც აუცილებლად ითხოვს დღეს არსებული ფორმატის ცვლილებას.
ფიფაში, ფეხბურთის გლობალური განვითარების განყოფილების ხელმძღვანელი არსენ ვენგერი „ESPN“-ს ესაუბრა და საინტერესო საკითხი მიმოიხილა.
„ამ ეტაპზე სამუშაო ვერსიად მიღებულია 16 სამ–სამგუნდიან ჯგუფი, საიდანაც 2 გუნდი გაღწევს ფლეი–ოფში. ეს ვარიანტი ჯერ დამტკიცებული არ არის, მაგრამ უკვე ვიცით, რომ 16 სამგუნდიანის გარდა, იქნება ორი ალტერნატივა – 12 ჯგუფი 4-4 გუნდით, ან ტურნირის ორ ნაწილად გაყოფა – 24-24 გუნდი 6-6 ოთხგუნდიანი ჯგუფით.
საბოლოო გადაწყვეტილებას ფიფას სპეციალური საბჭო მიიღებს. ვფიქრობ, რეგლამენტი მომავალ წელს დამტკიცდება“, – განაცხადა არსენ ვენგერმა.
გუშინ, გამოცემამ „Gazzetta Dello Sport“ ყურადსაღები ინფორმაცია გამოაქვეყნა. აღმოჩნდა რომ პორტუგალიელ კრიშტიანუ რონალდუს „იუვენტუსისგან“ 19.9 მილიონი ევროს მიღება სურს, რომელიც კორონავირუსის პანდემიის დროს კლუბმა არ გადაუხადა.
ტურინული კლუბის ხელმძღვანელობა ამ თანხის გადახდას რონალდუს დაჰპირდა, როცა პანდემიის დროს ფეხბურთელებთან ხელფასის შემცირებაზე შეთანხმებას მიაღწია.
„იუვენტუსში“ აცხადებენ, რომ პორტუგალიელ ფეხბურთელთან დავალიანება არ აქვთ, მაგრამ 37 წლის თავდამსხმელი ადვოკატებთან ერთად მუშაობას, რაღა განიხილოს სიტუაცია.
კრიშტიანუ რონალდუმ „იუვენტუსი“ 2021 წლის ზაფხულში დატოვა. ამჟამად მოთამაშე უგუნდოდ იმყოფება.
ესპანური გამოცემის „Marca“ ინფორმაციით, „პარი სენ–ჟერმენის“ პრეზიდენტმა, ნასერ ალ–ხელაიფიმ, ჟურნალისტებს განუცხადა, რომ ლიონელ მესისა და კილიან მბაპეს მომავლის შესახებ მუნდიალის დასრულების შემდეგ ისაუბრებენ.
„მესისა და მბაპეს მომავალი? ახლა მსოფლიო ჩემპიონატი მიმდინარეობს. ორივე თავისი ქვეყნების ეროვნულ ნაკრებებში თამაშობს. ვიმედოვნებ, ისინი საუკეთესოები გახდებიან ტურნირზე. შემდეგ კი დავსხდებით და ვილაპარაკებთ. არაერთი საკითხი გვაქვს გასარკვევი,“ – განაცხადა ნასერ ალ–ხელაიფიმ.
რამდენიმე დღის წინ ინგლისის ნაკრების თავდამსხმელმა რაჰიმ სტერლინგმა ოჯახური მიზეზის გამო თავისი ქვეყნის საწვრთნელი ბანაკი დატოვა და დროებით „ნისლიანი ალბიონის“ ქვეყანაში დაბრუნდა.
გუშინ, ცნობილმა იტალიელმა სპორტულმა ჟურნალისტმა, ფაბრიციო რომანომ სხვადასხვა წყაროებზე დაყრდნობით განაცხადა, რომ სტერლინგის სახლზე შეირაღებული თავდასხმა განხორციელდა მაშინ, როდესაც მისი საცოლე და მისი პატარა ქალიშვილი სახლში იმყოფებოდნენ.
„სტერლინგი ძალიან მიზანდასახული იყო, რომ ინგლისს მსოფლიო თასზე დახმარებოდა, თუმცა ის თავის ოჯახზე და პატარა ქალიშვილზე ძალიან ღელავდა, რის გამოც ნაკრების დატოვება და სამშობლოში დაბრუნება მოუწია. მას სრული მხარდაჭერა გამოუცხადა ინგლისის ფეხბურთის ფედერაციამ და გარეთ საუთგეიტმა. რაჰიმი კატარში მაშინ დაბრუნდება, როდესაც დარწმუნდება, რომ მის ოჯახს საფრთხე აღარ ემუქრება,“ – განაცხადა ფაბრიციო რომანომ.
ავტორი
