ოზურგეთში “ბუნების ქომაგი ქალები“ და ნახატების კონკურსის გამარჯვებულები დააჯილდოვეს

ქალაქ ოზურგეთში, კაფე რვა+1-ში „თანამონაწილეობისა და ჩართულობის ცენტრი სიპისის“ ორგანიზებით,  ოზურგეთში დისკუსია-ფორუმი „გურიის რეგიონის მწვანე მომავალი – გამოწვევები და პერსპექტივა“ გაიმართა.

შეხვედრის დროს დააჯილდოვეს ნახატების კონკურსის „სუფთა სუფსის“ გამარჯვებულები და “ბუნების ქომაგის“ ქალები.

კონკურსში სულ შემოვიდა 43 ნახატი. სპეციალურმა ჟიურიმ გამოავლინა სამი გამარჯვებული: 1 ადგილი – გიორგი გოგრაჭაძე, მე-11 კლასის მოსწავლე (ოზურგეთის მუნიციპალიტეტი, გაბრიელ ეპისკოპოსის სახელობის ბახვის საჯარო სკოლა); 2 ადგილი – მათე გორდელაძე, მე-9 კლასის მოსწავლე (ოზურგეთის მუნიციპალიტეტი, გაბრიელ ეპისკოპოსის სახელობის ბახვის საჯარო სკოლა,); 3 ადგილი – ლიზი გეგიძე, მე-6 კლასის მოსწავლე (ლანჩხუთის მუნიციპალიტეტი, ქვემო აკეთის საჯარო სკოლა).

პროექტის ფარგლებში გამოვლიდნენ “ბუნების ქომაგი“ ქალები. ესენი არიან: ია ხურციძე (სოფელი ნაგომარი), ნანა გოგუაძე  (სოფელი სილაური), სოფო თაბაგარი (სოფელი ჯუმათი), ინგა კიღურაძე (სოფელი ბაილეთი), მაგდა სამხარაძე (სოფელი  ბაილეთი), მაია მელუა (სოფელი ასკანა), მზია ვაშალომიძე (სოფელი ასკანა), მარინა ჩხარტიშვილი (სოფელი დვაბზუ), ნანა სიხარულიძე (სოფელი ძიმითი).