გერმანიის კანცლერის ოლაფ შოლცის თქმით, რუსეთის ლიდერს გადაწყვეტილი აქვს უკრაინის ტერიტორიის ნაწილების დაპყრობა და არ შეზღუდოს მისი სისასტიკე.
,,როცა პუტინს ვესაუბრებოდი, ყოველ ჯერზე ის ძალიან მკაფიოდ აცხადებდა, რომ მისთვის ეს იყო დაპყრობის საკითხი. მას უბრალოდ ძალადობით უკრაინის ტერიტორიის ნაწილის ხელში ჩაგდება სურს,“ – განაცხადა შოლცმა.
თებერვალში უკრაინაში რუსეთის სრულმასშტაბიანი შეჭრის დაწყების შემდეგ, ოლაფ შოლცი უფრო მეტს ესაუბრებოდა პუტინს, ვიდრე დასავლელი ლიდერების უმეტესობა. მათი ბოლო ერთ საათიანი სატელეფონო საუბარი 2 დეკემბერს შედგა.
პოტსდამში გამართულ კონფერენციაზე გამოსვლისას შოლცმა თქვა, რომ ჯერ უცნობია ზუსტად რამდენი რუსი ჯარისკაცი დაიღუპა უკრაინაში, მაგრამ მან თქვა, რომ ეს რიცხვი შეიძლება 100 000-მდე იყოს.
,,ჩვენ ვნახეთ, რა სისასტიკე შეუძლია ჩაიდინოს რუსეთის პრეზიდენტს: ჩეჩნეთში, სადაც მან არსებითად გაანადგურა მთელი ქვეყანა მიწასთან, ასევე სირიაში. უბრალოდ არ არსებობს ამის შემოწმებები ან შეზღუდვები, ” – თქვა გერმანიის კანცლერმა.
მიუხედავად იმისა, რომ პუტინთან დიამეტრალურად საპირისპირო შეხედულებები აქვს, გერმანიის კანცლერმა თქვა, რომ კვლავ აპირებს მასთან კომუნიკაციის გაგრძელებას, რადგან, მისი თქმით, იმედოვნებს, რომ გამოიყენებს იმ მომენტს, როდესაც შესაძლებელი იქნება “სიტუაციის მოგვარება“.
გერმანიის მთავრობის მეთაურმა, ასევე მხარი დაუჭირა თავისი კაბინეტის გეგმებს თავდაცვის ხარჯების გაზრდის მიზნით, რათა მიაღწიოს ნატოს წესდებით მოთხოვნილ მშპ–ს 2%-ს.
ავტორი
