მძიმე ბრძოლები მიმდინარეობს უკრაინის სამხრეთსა და აღმოსავლეთში. უკრაინის ხელისუფლებამ დღეს განაცხადა, მეტი მსხვერპლისა და სამოქალაქო ინფრასტრუქტურის დაზიანების შესახებ, – იუწყება CNN.
დონეცკის რეგიონი
დონეცკის რეგიონში ყველაზე მძიმე ბრძოლები გრძელდება. ორშაბათს უკრაინელმა სამხედროებმა განაცხადეს, რომ რუსული ძალები ლიმანის, ბახმუტისა და ავდიივკას მიმართულებით წინსვლას ცდილობენ.
დონეცკის ოლქის სამხედრო ადმინისტრაციის ხელმძღვანელმა პავლო კირილენკომ განაცხადა, რომ ქალაქ კრასნოხორივკაში სულ მცირე ერთი ადამიანი დაიღუპა.
ხერსონის რეგიონი
რეგიონის სამხედრო ადმინისტრაციამ ორშაბათს განაცხადა, რომ რუსეთის ძალებმა რეგიონში ბოლო 24 საათის განმავლობაში 42-ჯერ გაისროლეს.
„მტერი თავს დაესხა რეგიონის სამოქალაქო დასახლებებს საარტილერიო MLRS ნაღმტყორცნებით, ტანკებით და ქვეითი საბრძოლო მანქანებით“, – ნათქვამია განცხადებაში.
რეგიონის სამხედრო ადმინისტრაციის თქმით, მინიმუმ სამი ადამიანი დაიღუპა კვირას ქალაქ ხერსონში დაბომბვის შედეგად და რვა მშვიდობიანი მოქალაქე დაშავდა.
ხარკოვის რეგიონი
ხარკოვის რეგიონის სამხედრო ადმინისტრაციის ხელმძღვანელმა ოლეჰ სინიეჰუბოვმა განაცხადა, რომ მინიმუმ ერთი ადამიანი დაიღუპა და სამი დაიჭრა ხარკოვში კვირას.
მისი თქმით, წინასწარი გამოკვლევებით ვარაუდობენ, რომ რაკეტა გასროლილი იყო S-300 საჰაერო თავდაცვის სისტემიდან.
„რაკეტა მოხვდა 4 სართულიან საცხოვრებელ კორპუს კიევსკის რაიონში. დაინგრა შენობის ზედა სართულები და სახურავი, გაჩნდა მასშტაბური ხანძარი,“ – განაცხადა სინიეჰუბოვმა.
კუპიანსკი, ვოვჩანსკი, სტრილეჩა, დვორიჩნა და სხვა ქალაქები მტრის ცეცხლის ქვეშ მოხვდნენ, დაამატა სინიეჰუბოვმა, დაზიანდა კერძო სახლები, მაღაზიები და სხვა შენობები.
მისი თქმით, კუპიანსკში მტრის დაბომბვის შედეგად 41 წლის მამაკაცი დაიჭრა.
ზაპორიჟჟიის რეგიონი
ზაპორიჟჟიის რეგიონი ვითარება შედარებით სტაბილური რჩება, რადგან რუსული ძალები კონცენტრირდება რეგიონში ოკუპირებული ტერიტორიების დაკავებაზე, – განაცხადა ორშაბათს ზაპორიჟჟიის ოლქის სამხედრო ადმინისტრაციამ.
რეგიონული პოლიციის თქმით, რუსეთის დაბომბვამ რეგიონის სხვადასხვა რაიონში საცხოვრებელი სახლები და შენობები დააზიანა.
ავტორი
