“ერთიანი ნაციონალური მოძრაობის” თავმჯდომარე, არჩევნების შემდეგ, ლევან ხაბეიშვილი გახდა.
თუ რა აზრის არის ამ არჩევანზე, ენმ-ს ოზურგეთის რაიონული ორგანიზაციის თავმჯდომარე, დავით მჟავანაძე, „გურია ნიუსმა“ მას კითხვით მიმართა.
_ჩვენმა პარტიამ მნიშვნელოვანი ეტაპი გაიარა. ეს არის დემოკრატიული პროცესი, რაც ჩვეულებრივი მოვლენაა არჩევნების დროს. გაიმარჯვა ლევან ხაბეიშვილმა და ვულოცავ მას ამ გამარჯვებას. რა თქმა უნდა, პარტია იქნება ერთიანი და ახლა უნდა გააქტიურდეს, რათა მიხეილ საკაშვილი გამოიხსნას პუტინის ტყვეობიდან.
_როგორც ამბობენ, ენმ-ის ოზურგეთის რაიონული ორგნიზაციის თავმჯდომარის პოსტზე, თქვენ თათია ნიკოლაშვილი ჩაგანაცვლებთ. რამდენად შეეფერება ეს სინამდვილეს?
_ ჯერჯერობით, მე ვარ თავმჯდომარე. ეს კი თქვენგან მესმის პირველად, _ თქვა მჟავანაძემ. ცნობილია, რომ არჩევნების წინ, ოზურგეთში, “ნაციონალური მოძრაობის” სხვადასხვა ფრთა, კერძოდ, მელიას მხარდამჭერი მჟავანაძე და ხაბეიშვილის მხარდამჭერი თათია ნიკოლაშვილი ერთმანეთს ღიად დაუპირისპირდნენ.
თაითა ნიკოლაშვილმა რაიონული ორგანიზაცია სუსტ მუშაობაში ამხილა. მას შემდეგ გავრცელდა ინფორმაცია, რომ ხაბეიშვილის გამარჯვების შემთხვევაში, მჟავანაძეს ოზურგეთში ნიკოლაშვილი ჩაანაცვლებდა.
თუ რა მოხდება რელაურად, ამას უახლოესი მომავალი გვიჩვენებს.
ავტორი
