“საქართველოს დაპატიმრებულმა ექსპრეზიდენტმა მიხეილ სააკაშვილმა ოთხშაბათს დაადანაშაულა სახელმწიფოს მიერ დანიშნული ექიმები მის მკურნალობაზე უარის თქმაში და მისი მოკვლის შეთქმულებაში მონაწილეობაში,” – ნათქვამია France24-ის მიერ სააკაშვილთან დაკავშირებით გამოქვეყნებულ სტატიაში.
მედია წერს, რომ მანამდე ექიმებმა ჟურნალისტებს განუცხადეს, რომ მიხეილ სააკაშვილის მდგომარეობა სერიოზულად გაუარესდა წონის მკვეთრი კლების გამო.
სტატიაში აღნიშნულია, რომ მიხეილ სააკაშვილმა ფეისბუქზე გამოქვეყნებულ განცხადებაში თქვა, რომ ექიმებმა უარი თქვეს ძირითადი მდგომარეობის მკურნალობაზე, მათ შორის მძიმე ლითონებით მოწამვლისა და ანორექსიის.
მან საქართველოს მმართველი პარტია, პრო-სამთავრობო მედია “და ახლა საავადმყოფო” დაადანაშაულა მისი მოკვლის სპეცოპერაციაში მონაწილეობაში, რომლის დასკვნითი ეტაპის მომსწრენი ვართ
France24 წერს, რომ ადვოკატების და ექიმების თქმით, სააკაშვილი ოდესღაც მხიარული, სიცოცხლით სავსე დიდი პიროვნება, მისი პიროვნების ჩრდილი გახდა. დაპატიმრების შემდეგ მან თითქმის 50 კილოგრამი დაიკლო.
გამოცემა აღნიშნავს, რომ 55 წლის პროდასავლური რეფორმატორი 2021 წელს, დევნილობიდან კავკასიის ქვეყანაში ფარულად დაბრუნებიდან რამდენიმე დღის შემდეგ დააკავეს.
ის გასული წლიდან საავადმყოფოშია, მას შემდეგ, რაც 50 დღით უარი თქვა საკვებზე, რათა გააპროტესტოს მისი დაკავება, რაც უფლებადამცველი ორგანიზაციების თქმით, პოლიტიკურად მოტივირებულია.
გამოცემა, ასევე წერს ოპოზიციონერი პოლიტიკოსის მკურნალი ექიმის, თამარ დავარაშვილის კომენტარსაც, რომელმა თქვა, რომ “პაციენტის მდგომარეობა რთულდება” და სააკაშვილი შესაძლოა მალევე მოხვდეს ინტენსიურ მკურნალობის ქვეშ.
”მისი წონა და სხეულის მასა უკიდურესად დაბალია. შემდეგი ეტაპი შეიძლება იყოს ინტენსიური თერაპიის განყოფილება”, – აღნიშნა მკურნალმა ექიმმა.
მან დასძინა, რომ სააკაშვილი – რომელიც 2021 წლის ოქტომბერში ციხეში 115 კილოგრამს იწონიდა – ახლა მხოლოდ 67 კილოგრამს იწონის.
ფრანგული გამოცემა წერს, რომ დავარაშვილი მას სუსტს და საწოლში მიჯაჭვულს უწოდებს და თქვა, რომ კიდურებში ტკივილები აწუხებს.
მედიას მოჰყავს აშშ-ში დაფუძნებული ექიმების ჯგუფის დასკვნაც, რომლებმაც განაცხადს, რომ სააკაშვილს მძიმე ნევროლოგიური, კუჭ-ნაწლავისა და ორთოპედიული დაავადებები აწუხებს.
მათი თქმით სააკაშვილი, ჯანმრთელობის გაუარესება პატიმრობაში ,,წამების“ შემდეგ გართულადა
ამერიკელი ტოქსიკოლოგის დევიდ სმიტის 2022 წელს განცხადება, რომ სააკაშვილს პატიმრობაში ყოფნისას მძიმე ლითონებით მოწამვლა ჰქონდა.
მედია წერს, რომ დასავლეთმა არაერთხელ მოუწოდა საქართველოს მთავრობას ჰუმანიტარული მიზნით სააკაშვილის საზღვარგარეთ გადაყვანისკენ. საქართველოს მთავრობა კი, ამტკიცებს, რომ სააკაშვილს ადეკვატური ზრუნვა აქვს და მისი უფლებები დაცულია.
France24 წერს, რომ გასულ კვირას ევროპარლამენტმა მიიღო რეზოლუცია, რომელიც მოითხოვდა საქართველოს მთავრობისგან სააკაშვილის გათავისუფლებას და საზღვარგარეთ მკურნალობის ნების დართვას.
„როგორ ექცევიან ყოფილ პრეზიდენტს მიხეილ სააკაშვილს, არის ლაკმუსის ტესტი საქართველოს მთავრობის ერთგულების ევროპული ღირებულებებისადმი“, – ნათქვამია რეზოლუციაში, რომელსაც მხარი 570-ზე მეტმა ევროპარლამენტარმა დაუჭირა.
შეერთებულმა შტატებმა და ევროკავშირმა გამოხატეს შეშფოთება სააკაშვილის მდგომარეობის გამო და მოუწოდეს თბილისს, უზრუნველყონ მისი უფლებების დაცვა.
უკრაინის პრეზიდენტმა ვლადიმირ ზელენსკიმ საქართველო დაადანაშაულა სააკაშვილის „ნელა მკვლელობაში“ და მოითხოვა მისი გადაყვანა უკრაინულ ან დასავლურ კლინიკაში.
ასევე პოლონეთის ლიდერებმა მსგავსი მოწოდებები გააკეთეს.
“პუტინის წინააღმდეგი”
თებერვლის დასაწყისში, სასამართლომ საქართველოში უარყო სააკაშვილის მოთხოვნა, მიეღო ექვსწლიანი პატიმრობის გადავადება, ჯანმრთელობის მდგომარეობის გაუარესების გამო.
სააკაშვილი სამსახურებრივი უფლებამოსილების გადამეტებისთვის დაუსწრებლად გაასამართლეს და 2018 წელს 6 წლით თავისუფლების აღკვეთა მიუსაჯეს.
მისმა პატიმრობამ გამოიწვია ყველაზე დიდი ანტისამთავრობო პროტესტი, რომელიც საქართველოს უნახავს ათწლეულების განმავლობაში, ათიათასობით ადამიანი გამოვიდა ქუჩაში.
გამოცემა აღნიშნავს, რომ სააკაშვილი ხელისუფლებაში 2003 წელს მშვიდობიანი ვარდების რევოლუციის ფონზე მოვიდა.
2004-დან 2013 წლამდე პრეზიდენტად ყოფნის დროს მან გაატარა ფართო პოლიტიკური და ეკონომიკური რეფორმები და დაამყარა მჭიდრო კავშირები დასავლეთთან.
თუმცა, მან განარისხა რუსეთის ლიდერი ვლადიმერ პუტინი, მისი დიდი ხნის მტერი. რუსეთი და საქართველო 2008 წელს ხუთდღიან ომში იბრძოდნენ.
ევროპის საბჭომ მოითხოვა პოლიტიკოსის გათავისუფლება და მას “პუტინის მოწინააღმდეგე პოლიტპატიმარი” უწოდა.
Amnesty International-მა მის მოპყრობას “მოჩვენებითი პოლიტიკური შურისძიება” უწოდა.
ავტორი
