ტაეკვონდოს გურიის ფედერაციის სპორტსმენების წარმატება

26 თებერვალს, ქუთაისში, გამოცდაზე იმყოფებოდნენ  ტაეკვონდოს გურული სკოლის წარმომადგენლები.

გურიის რეგიონის ტაეკვონდოს ფედერაციის სპორტსმენებმა,  ოზურგეთის ტაეკვონდოს სკოლის ინსტრუქტორმა,  ირაკლი ტუღუშმა  და ურეკის სკოლის  ინსტრუქტორმა  გიორგი ბერიძემ,  საკვალიფიკაციო გამოცდები ჩააბარეს  ტაეკვონდოში, ქამრებზე.  გამოცდა მიიღო  იმერეთის, ტაეკვონდოს განვითარების რეგიონალურმა ხელმძღვანელიმა, ბატონმა რომეო გურეშიძემ.

როგორც ირაკლი ტუღუშმა განაცხადა,  გამოცდებზე 32 სპორტსმენი იმყოფებოდა. მათ მიენიჭათ 9 და 8 გიპი. ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანების ტაეკვონდოს სექციას კი 8 გიპი. ანუ ყვითელი ქამრის ხარისხი.

მიღწეული შედეგი არის  ჩვენი სპორტსმენების  დიდი წარმატება, _ თქვა მან.

„გურია ნიუსი“ ულოცავს წარმატებას ტაეკვონდოს გურულ ოსტატებს და კვლავ მრავალ წარმატებას უსურვებს.