კახეთში, ბებიის მიმართ ჩადენილი სექსუალური ხასიათის დანაშაულში ბრალდებულს, თავისუფლების უკანონო აღკვეთასაც ედავებიან.
,,პრაიმტაიმის” ინფორმაციით, ჩვენებაში, რომელიც 77 წლის ქალმა გამოძიებას მისცა, ის ამბობს, რომ 26 წლის შვილიშვილი, ღამით სახლში კეტავდა და კარს დილით უღებდა.
ახალგაზრდა კაცი, რომელსაც აღკვეთის ღონისძიების სახით უკვე პატიმრობა აქვს შეფარდებული, წარსულში მკვლელობის მცდელობისა და შემდეგ, ძარცვისთვის არის ნასამართლევი.
ბრალად შერაცხული ქმედების ჩადენის დროს, ის პირობითი მსჯავრის ქვეშ იმყოფებოდა.
მომხდარ ფაქტზე, უკვე დანიშნულია შესაბამისი ექსპერტიზა, რომელმაც მამაკაცის მიერ ჩადენილი სექსუალური ხასიათის დანაშაულის სახე უნდა დაადგინოს, ან ბრალის გაუპატიურებად გადაკვალიფიცირება გამოიწვიოს.
ბრალდებული ჩადენილ დანაშაულს არ აღიარებს და წარდგენილ ბრალს არ ეთანხმება.
გამოძიება სისხლის სამართლის კოდექსის 138- ე და 143- ე მუხლებით მიმდინარეობს.
პრაიმტაიმი
