რუსეთმა საჰაერო დარტყმები განახორციელა უკრაინის ქალაქებზე, მათ შორის დედაქალაქ კიევს დაარტყა, რის შედეგადაც სულ მცირე ხუთი ადამიანი დაიღუპა. ინფორმაციას BBC ავრცელებს.
ადგილობრივი მერის განცხადებით, ქალაქ დნიპროში ქალი და სამი წლის ბავშვი მოკლეს.
ოფიციალური პირების თქმით, უმანში სამი ადამიანი დაიღუპა მას შემდეგ, რაც რაკეტები საცხოვრებელ შენობებს მოხვდა. ცხრასართულიანი საცხოვრებელი კორპუსი ძლიერ დაზიანდა.
სააგენტო „ინტერფაქსის“ ცნობით, აფეთქებები მოხდა ქალაქ კრემენჩუკსა და პოლტავაშიც.
კიევში, 23 რაკეტიდან 21 და ორი თავდასხმის დრონი ჩამოაგდეს უკრაინის საჰაერო თავდაცვის სისტემამ, _ განაცხადეს ოფიციალურმა პირებმა Telegram-ის პოსტში.
კიევის საქალაქო სამხედრო ადმინისტრაციის ხელმძღვანელმა განაცხადა, რომ ეს იყო პირველი რუსული სარაკეტო თავდასხმა დედაქალაქზე 51 დღის განმავლობაში.
დედაქალაქში მშვიდობიანი მოსახლეობის მსხვერპლის შესახებ ინფორმაცია არ ვრცელდება.
თავდასხმები ხდება მაშინ, როდესაც, სავარაუდოდ, უკრაინული ძალები ემზადებიან სამხედრო შეტევისთვის დასავლელი მოკავშირეების მიერ მოწოდებული ახალი აღჭურვილობით, მათ შორის ტანკებით.
რუსეთს უჭირდა წინსვლა ზამთრის შეტევაში, მათ შორის 10-თვიანი ბრძოლა აღმოსავლეთის სტრატეგიულად მნიშვნელოვანი ქალაქ ბახმუტზე კონტროლისთვის.
