“იმდენად იყო დასახიჩრებული, რომ დედამ მისი ამოცნობა პირადი ნივთებით შეძლო”, _ ამის შესახებ ჟურნალისტებთან ბიჭის ახლობლები საუბრობენ.
„იმდენად იყო დასახიჩრებული, რომ დედამ მისი ამოცნობა პირადი ნივთებით შეძლო. მკვლელობის მოტივი უცნობია, 17 მაისის შემდეგ გაუჩინარებული იყო, თავად მასპინძელიც კი იტყუებოდა, სანამ გვამი არ იპოვეს. მთავარმა დამნაშავემ ქვეყანა დატოვა, ჩვენი ვარაუდით, მეგობრების მხრიდან ჯგუფური მკვლელობა იყო”, – ამბობენ ისინი.
გიორგი ალხანიშვილის ცხედარი ექსპერტიზის ბიუროდან სახლში უკვე გადაასვენეს.
ცნობისთვის, გუშინ ქობულეთში, სოფელ ლეღვაში სტადიონთან 20 წლის ბიჭის ცხედარი იპოვეს. როგორც ადგილობრივებმა „ინტერპრესნიუსთან” განაცხადეს, რამდენიმე დღიანი ძებნის შემდეგ მისი ცხედარი დამარხული იპოვეს. ადგილობრივების ცნობით, ახალგაზრდა მამაკაცი ამავე სოფელში მეგობართან ერთად სტუმრად იმყოფებოდა. მომხდარის გამო, საქართველოს შინაგან საქმეთა სამინისტრომ სამი პირი დააკავა, ერთს კი ბრალი დაუსწრებლად წარედგინა.
