დროს უკან ვერავინ დააბრუნებს, მაგრამ სავსებით შესაძლებელია მისი კურსის შენელება და ჩვენს გარეგნობასა და ჯანმრთელობაზე ზემოქმედება. როგორ ვბერდებით, ეს მხოლოდ 50%-ით არის ჩვენი დნმ-ით განსაზღვრული, მეორე ნახევარს მთლიანად ცხოვრების წესი განსაზღვრავს. სპორტისა და ჯანსაღი დიეტის დახმარებით შეგიძლიათ აჯობოთ სხეულს და დაიბრუნოთ თქვენი ბიოლოგიური ასაკის რამდენიმე წელი. დიახ, ეს ცნობილი ჭეშმარიტებაა, ასე რომ, აქ გთავაზობთ 7 კონკრეტულ რჩევას, რომლებიც მოქმედებს ბუნებრივად გაახალგაზრდავებაზე.
მიირთვით ბევრი კენკრა
თავისუფალი რადიკალები მკვრივი კანის ერთ-ერთი მთავარი მტერია. ცუდი ის არის, რომ თითქმის ყველაფერი, რაც ყოველდღიურად თავს გვახვევია, ხელს უწყობს მათ ფორმირებას: ულტრაიისფერი გამოსხივება, დაბინძურებული გარემო, რადიაცია, მოწევა, სტრესი ნაოჭების და ასაკობრივი ლაქების გაჩენას იწვევს. კარგი ამბავი ის არის, რომ ამ ყველაფერს ებრძვით კენკრის დახმარებით, რომელიც შეიცავს ანტიოქსიდანტების ძლიერ მუხტს. რეკომენდებულია, შეავსოთ თქვენი რაციონი ყოველდღიურად კენკრის პორციით, დღის პირველ კვებასთან ერთად. ამ გზით ისინი იდეალურად მეტაბოლიზდებიან და იცავენ ორგანიზმს თავისუფალი რადიკალებისგან და, შესაბამისად, ნაადრევი დაბერებისგან
მიიღეთ ვიტამინი D
არაა აუცილბელი, ვიტამინი D-ს მზის სხივებით მიღება… უმჯობესია, უბრალოდ, მოერიდოთ მას და წაისვით საცხი SPF-ით. თუ თქვენ ცხოვრობთ ჩრდილოეთ ქვეყანაში და მუშაობთ ოფისში, სავარაუდოდ, ამ ვიტამინის დეფიციტი გაქვთ. თუმცა, აფთიაქში გაქცევამდე გაიარეთ კონსულტაცია ენდოკრინოლოგთან: ანალიზის შემდეგ, ექიმი დანიშნავთ შესაბამის დოზას. თქვენ მოგიწევთ აირჩიოთ, რა ფორმით არის თქვენთვის უფრო მოსახერხებელი – კაფსულების ან ხსნარის სახით.
დაკავდით სექსით
შეუთავსეთ საქმე სიამოვნებას: დიახ, რეგულარულ სექსსაც შეუძლია შეაჩეროს დაბერების პროცესი. მეცნიერებმა ამას ცალკე კვლევაც კი მიუძღვნეს, რომლის შედეგების მიხედვით აღმოაჩინეს, რომ სქესობრივად აქტიურ ადამიანებს უფრო მკვრივი კანი აქვს, გულისცემის რეგულარული ზრდის გამო და, შესაბამისად, გაუმჯობესებული სისხლის მიმოქცევა, ვიდრე მათ, ვისაც სექსი იშვიათად აქვს. ასეთი დატვირთვა მაღალი ინტენსივობის ვარჯიშის მსგავსია და ასევე, ხელს უშლის გულ-სისხლძარღვთა დაავადებების ჩამოყალიბებას.
დაიცავით წყლის სმის რეჟიმი
სასარგებლო ჩვევა, რომელიც ბევრისთვის პირად გამოწვევად რჩება. მიიღეთ ეს: სხეული 50-80% წყალია და რაც უფრო ვბერდებით, მით უფრო მცირეა მისი პროცენტი – გამარჯობა, ნაოჭებო.
მოერიდეთ სტრესს
სტრესი აჩქარებს დაბერებას, რადგან ამ მდგომარეობაში ორგანიზმი გამოყოფს კორტიზოლს. „ბრძოლის ან ფრენის“ რეჟიმში არტერიები ვიწროვდება და სისხლში ნაკლები ჟანგბადი გადადის. თავისუფალი რადიკალები სწორედ იქ გველოდება, რომელიც ყვავის სტრესის მდგომარეობაში და გვხდის ასაკოვანს.
ცხადია, ამის თქმა უფრო ადვილია, ვიდრე გაკეთება. მიიღეთ რჩევა: ჩვენ გირჩევთ, გადაითამაშოთ გონებაში ისეთი მოვლენები, რამაც შეიძლება სტრესი გამოიწვიოს და თუ ის რეალურად მოხდება, თქვენი რეაქცია უფრო მშვიდი იქნება.
დაკავდით სპორტით
კიდევ ერთი უძველესი სიმართლე: სპორტი არის ცხოვრება. აირჩიეთ ის, რაც მოგწონთ და რეგულარულად გააკეთეთ. რაც უფრო ადრე აქცევთ სპორტს თქვენი ცხოვრების განუყოფელ ნაწილად, მით უფრო გვიან დაიწყებთ დაბერებას. კუნთები ხდის კანს ელასტიკურს და ტონუსს ანიჭებს, წვავს ცხიმს და ინარჩუნებს ინსულინის ოპტიმალურ დონეს. ხოლო, თუ გარე სპორტს ირჩევთ, მაშინ, ყველა ჩამოთვლილი ბონუსების გარდა, უჯრედებსაც აქტიურად აჯერებთ ჟანგბადით.
დაისვენე
კარგი ამბავი ის არის, რომ სასიამოვნოდ სიზარმაცე ასევე ანელებს დაბერებას. მაგალითად, მასაჟი უნარჩუნებს კანს ელასტიკურობას და ახალგაზრდობას, რადგან მეტი ჟანგბადი შედის უჯრედებში წნევით. თანაბრად მნიშვნელოვან როლს ასრულებს ხარისხიანი ძილი: უჯრედები განახლდება, კორტიზოლი ნადგურდება, ძილის ჰორმონი მელატონინი კი სხეულზე გამაახალგაზრდავებელად ზემოქმედებს.
წყარო: beaumonde.ge
