კრემლმა შაბათს, 24 ივნისს განაცხადა, რომ პრეზიდენტი პუტინი მოსახლეობას მიმართავს. პრესსპიკერის, დიმიტრი პესკოვის თქმით, პუტინი სიტყვით “მალე” გამოვა.
მას არ დაუკონკრეტებია რა თემაზე ილაპარაკებს პუტინი, მაგრამ სავარაუდოა, რომ ის დაკავშირებული იქნება კერძო სამხედრო კომპანია “ვაგნერის” ხელმძღვანელ, ევგენი პრიგოჟინთან. პრიგოჟინმა დღეს დილით განაცხადა, რომ როსტოვში შევიდნენ და ყველა სამხედრო ობიექტს აკონტროლებენ. ტელეგრამ არხებზე ვრცელდება ვიდეოები, რომელთა მიხედვითაც “ვაგნერელების” კოლონა მოსკოვისკენ მიემართება.
კრემლმა გუშინ ღამით გამოაქვეყნა ვიდეო, სადაც პუტინი ახალგაზრდებს ახალგაზრდობის დღეს ულოცავდა.
რა ხდება რუსეთში:
რუსეთში 23 ივნისს სამხედრო არეულობა დაიწყო. კერძო სამხედრო კომპანია “ვაგნერის” ხელმძღვანელმა, ევგენი პრიგოჟინმა თქვა, რომ რუსეთის თავდაცვის სამინისტრომ მათ ბანაკზე სარაკეტო იერიში მიიტანა. მან თქვა, რომ დაქირავებული მებრძოლების დიდი რაოდენობა დაიღუპა. რუსეთის თავდაცვამ ბრალდებები უარყო.
პრიგოჟინმა თქვა, რომ საპასუხო მოქმედებებისთვის ემზადებოდნენ. მისი თქმით, გადაკვეთეს საზღვარი, შევიდნენ როსტოვში და აკონტროლებენ ყველა სამხედრო ობიექტს, მათ შორის აეროდრომს და სამხრეთ სამხედრო ოლქის შტაბს. მისივე თქმით, ჩამოაგდეს 3 ვერტმფრენები.
