ისრაელმა სირიაზე საჰაერო იერიში მიიტანა. როგორც ცნობილია, იერიშის სამიზნეს წარმოადგენდა მთავრობის მიერ კონტროლირებად ქალაქ ჰომსთან მდებარე შენობებს, თუმცა, სირიამ რაკეტების ჩამოგდება შეძლო.
როგორც საინფორმაციო სააგენტო SANA იუწყება, კვირას დილით რაკეტები გადაფრინდნენ ლიბანის დედაქალაქის, ბეირუთის ტერიტორიაზე, რომელიც ქალაქ ჰომსის მახლობლად მდებარეობს.
გავცრელებული ინფორმაციით, რაკეტებმა მხოლოდ მატერიალური ზიანი გამოიწვია.
ისრაელის არმიის სპიკერმა განაცხადა, რომ მისმა მოიერიშე თვითმფრინავებმა სირიის საჰაერო თავდაცვის ნაწილზე შეტევა დაიწყეს, საიდანაც საზენიტო რაკეტა ისრაელის მიმართულებით იქნა გაშვებული.
თვითმფრინავები ასევე თავს დაესხნენ სხვა სამიზნეებს რეგიონში,_ თქვა ავიჩაი ადრეიმ.
შაბათს ადრე, ადრეიმ ტვიტერზე დაწერა, რომ სირიის ტერიტორიიდან ისრაელის მიმართულებით გაშვებული საზენიტო რაკეტა ჰაერში აფეთქდა.
მისი თქმით, მსხვერპლი არ ყოფილა.
ისრაელის სამხედრო ექსპერტები ამბობენ, რომ ისრაელის თავდასხმები არის მრავალწლიანი დაბალი ინტენსივობის კონფლიქტის ესკალაციის ნაწილი, რომლის მიზანია შეანელოს ირანის მზარდი შემოტევა სირიაში.
ირანის გავლენა სირიაში მას შემდეგ გაიზარდა, რაც მან დაიწყო პრეზიდენტ ბაშარ ალ-ასადის მხარდაჭერა სამოქალაქო ომში, რომელიც დაიწყო 2011 წელს.
