საავტომობილო გზების დეპარტამენტის განცხადებით, 18-იდან 21 აგვისტოს 14 საათამდე დრიფტში დაგეგმილი ჩემპიონატის გამო ზუგდიდი-ჯიხაშკარი-ჩხოროწყუს საავტომობილო გზაზე მოძრაობა აიკრძალება.
“საერთაშორისო მნიშვნელობის თბილისი–სენაკი–ლესელიძის საავტომობილო გზის 330-ე კმ-ზე (ქ. ზუგდიდის ტერიტორია, ნინოშვილის ქუჩის კვეთიდან ოდიშის ქუჩის კვეთამდე მონაკვეთი) და შიდასახელმწიფოებრივი მნიშვნელობის ზუგდიდი-ჯიხაშკარი-ჩხოროწყუს საავტომობილო გზის კმ1 (0+00 – 0+100) მონაკვეთზე „საქართველოს საავტომობილო სპორტის ფედერაციის“ ეგიდით და ა.(ა).ი.პ. „ბმვ კლუბი საქართველოს“ ორგანიზებით დაგეგმილი დრიფტში საქართველოს ჩემპიონატის მეოთხე ეტაპის გამართვის მიზნით, აღნიშნულ მონაკვეთზე 2023 წლის 18 აგვისტოს 11:00 სთ-დან 21 აგვისტოს 14:00 სთ-მდე იკრძალება ავტოტრანსპორტის მოძრაობა.
მოძრაობის აკრძალვის პერიოდში ავტოტრანსპორტი იმოძრავებს შემოვლითი გზით. კერძოდ, ნინოშვილის, მ. გორკის, სართანიას, ბერიას (შიდასახელმწიფოებრივი მნიშვნელობის ზუგდიდი-ჯიხაშკარი-ჩხოროწყუს საავტომობილო გზის მონაკვეთი) და ოდიშის ქუჩების გამოყენებით”,_ აცხადებენ საავტომობილო გზების დეპარტამენტში.
