“რა ენაღვლება, რას კარგავს?” _ რას წერს თამარ ჩერგოლეიშვილი

1. ივანიშვილის რეჟიმი არის რუსეთის ვასალი რეჟიმი;

(ვინც არ მეთანხმება, დამისაბუთოს).

2. პუტინს აწყობს, რომ საქართველოში ყავდეს ვასალი რეჟიმი;

(ვინმე არ მეთანხმება, რომ აწყობს?)

3. ქართველი ხალხის 80 პროცენტი მხარს უჭერს ევროპაში ინტეგრაციას;

(საზოგადოებრივი აზრის კვლევები, 20 ივნისის, მეორე 20 ივნისის და 8-9 მარტის პროტესტიც ამას მოწმობს)

4. პუტინმა იცის, რომ სტატუსის ვერ მიღებით, რეჟიმს შეიძლება წყალი შეუდგეს;

(ოპოზიცია სანამ ასეთი სუსტია, მშვიდადაა მაგრამ იდიოტი არაა და იცის, რომ გარემოებები შეიძლება შეიცვალოს – მოულოდნელად, ვიღაც გაძლიერდეს)

5. პუტინმა ისიც იცის, რომ რუსული რეჟიმის ხელში კანდიდატობა ბლაგვი ინსტრუმენტია, რომელიც მის ინტერესებს ფეხს ვერ მოსჭამს.

პუტინისთვის მთავარი ვასალი რეჟიმის შენარჩუნებაა;

6. სწორედ ამიტომაა რომ პუტინის მოკავშირეები ევროკავშირში – ორბანი, პუტინისტი ევროპალამენტარები – არა მხოლოდ მხარს უჭერენ ივანიშვილის რეჟიმისთვის სტატუსის მინიჭებას, არამედ აშანტაჟებენ კიდეც ევროკავშირს უკრაინის და მოლდოვის დაბლოკვით.

ანუ პუტინი, თავისი მოკავშირეების პირით მხარს უჭერს ივანიშვილის რეჟიმისთვის სტატუსის მინიჭებას, იმისათვის, რომ რეჟიმი შეინარჩუნოს.

ეს 6 პუნქტი არის ჭეშმარიტება.

არ არსებობს არგუმენტი, რომელიც ზემოთ ჩამოთვლილ ჭეშმარიტებებს ეჭვქვეშ დააყენებს.

(თუ ფიქრობთ, რომ არსებობს – გამოუშვით).

და აი ამ დროს, პოლიტიკური სპექტრის ნაწილი დგას და ბოდავს, რომ „პუტინმა დაურეკა ბიძინას, რომ სალომეს მიერ სტატუსის მოპოვება დაბლოკოს“.

აი ამ საღი აზრისგან დაცლილ, ინტელექტის შეურაცხმყოფელ „ანალიზს“ გვთავაზობს პოლიტიკური სპექტრის დიდი ნაწილი და თან ჩხუბობს, ჩვენ რატომ არ გვირჩევთ თქვე იდოტებო, გადასანათლები ხართო.

რაც შეეხება სალომესთან ჩხუბს:

1) თუ შემთხვევით სტატუსი მოგვანიჭეს, ხელისუფლებას არ სურს ამის კრედიტი სალომემ წაიღოს.

2) თუ შემთხვევით სტატუსი არ მოგვანიჭეს, ხელისუფლებას განტევების ვაცები სჭირდება – სალომე, ნაცებთან ერთად მშვენიერი განტევების ვაცია