არსებობს თუ არა ზოდიაქოს მეცამეტე ნიშანი ? _ ამის შესახებ კითხვას ასტროლოგმა მიხეილ ცაგარელმა გადაცემა “შუა დღეში” უპასუხა.
“2012 წლიდან ვიღაცამ გაავრცელა ინტერნეტით და იმის მერე მიდის და მიდის ბჭობა. არიქა რევოლუცია ასტროლოგიაში.. ხალხო არ დაიჯეროთ. ზღაპარია ეს ყველაფერი. ვიღაცას რაღაც სენსაციები უნდა.. გასაგებია და მე ეს მესმის, მაგრამ არა. არსებობს 12 ზოდიაქოს ნიშანი. 12 რიცხვი არის საკრარული. 1+2 გვაძლევს 3-ს. უფლის რიცხვია.
რაც შეეხება მეცამეტე ზოდიაქოს ნიშანს, ეს ზოდიაქო არ არის და მეცამეტეც არ არის. ეს არის თანავარსკვლავედი გველმჭერის, რომელიც განეკუთვნება ბოლო კვირას მორიელისა და პირველ კვირას მშვილდოსნისა. ორ კვირიანი ზონაა. მითოლოგიური ფაეტონის დაღუპვის ადგილი, სადაც ძალიან დიდ როლს თამაშობდნენ მაცდუნებელი შავი ძალები. ამიტომ მოდი ესე ვთქვათ, რომ ეს არის განსაკუთრებული პერიოდი. ასეთი თანავარსკვლავედები არის ბევრი. ამიტომ რამდენ თანავარსკვლავედში გაივლის მზე, იმდენი ჩვენ რომ დავარქვათ მეცამეტე, მეთოთხმეტე, მეთხუთმეტე ზოდიაქოს ნიშნები აბსურდია, ხომ ? ამიტომ არსებობს 12 ზოდიაქოს ნიშანი, მაგრამ ამ პერიოდში დაბადებული ადამიანები გამოირჩევიან კარგით და ცუდით. კარგით გამოირჩევიან იმით რომ დიდი მებრძოლები არიან, ძალიან უშიშარი ხალხია, მაგრამ ცუდია ისევ, რადგან იბადებიან პროფესიონალი მკვლელები მათი 70%. გარდა ამისა, ასევე ამ ორ კვირიან პერიოდში იბადებიან ადამიანები, რომლებიც შავ მაგიაში არიან ჩართულები. თუმცა ძალიან დიდი მთამსვლელები, მეცნიერები და ბევრი ცნობილი უშიშარი ადამიანი იბადება ასევე ამ პერიოდში. ამიტომ ესენი განსაკუთრებით ჩამოსხმული მორიელები და მშვილდოსნები არიან. ზოდიაქოს ნიშნები სულ 12-ია, თანავარსკვლავედები კი საკმაოდ ბევრი”,_ განაცხადა ცაგარელმა.
