ღაზაში, ალ-შიფას საავადმყოფოს შიგნით არსებული პირობები “კატასტროფულია”, რადგან აუცილებელი განყოფილებები იშლება – ამის სესახებ CNN-ს საავადმყოფოს დირექტორმა მოჰამედ აბუ სალმიამ განუცხადა.
მისი თქმით, ამჟამად დაახლოებით 7 000 ადამიანი თავს აფარებს საავადმყოფოს, 1 500 პაციენტთან და სამედიცინო პერსონალთან ერთად.
,,ჰოსპიტალი ისრაელის არმიას სთხოვდა 600 ლიტრ საწვავს ყოველ საათში მისი გენერატორების ელექტრომომარაგებისთვის, მაგრამ არმიას ჯერ არ უპასუხია,“ – განაცხადა სავადმყოფოს დირექტორმა.
კვირას ისრაელის სამხედროებმა განაცხადეს, რომ ჰოსპიტალური კომპლექსის შესასვლელთან 300 ლიტრი საწვავი ჩაყარეს, მაგრამ განაცხადა, რომ ჰამასმა დაბლოკა ჰოსპიტალისთვის მიღება.
აბუ სალმიამ ტელეკომპანია Al Araby-ს განუცხადა, რომ თანამშრომლებს ძალიან ეშინოდათ, რომ გამოსულიყვნენ მის მისაღებად.
”ჩვენ ვუთხარით ისრაელის არმიას, რომ მათ მიერ შეთავაზებული 300 ლიტრი საწვავი საკმარისი არ არის საავადმყოფოს 30 წუთის განმავლობაში მუშაობისთვის. აღარ არის წყალი, საკვები, რძე ბავშვებისთვის და ჩვილებისთვის… საავადმყოფოში მდგომარეობა კატასტროფულია,” – განაცხადა მოჰამედ აბუ სალმიამ.
ალ-შიფა ჰოსპიტალი ღაზას ჯანდაცვის სამინისტროს ექვემდებარება, რომელსაც ჰამასი აკონტროლებს. ისრაელი ამტკიცებს, რომ ჰამასის შტაბბინა საავადმყოფოს შენობის ქვემოთ მდებარეობს. საავადმყოფოს ექიმებმა და ჰამასმა უარყვეს ეს განცხადება.
CNN ასევე ესაუბრა Al Arabiya – ს ქსელის ჟურნალისტს, ხადერ ალ ზაანუნს, რომელიც საავადმყოფოში იმყოფება.
”კომუნიკაცია ძალიან ცუდია და ჩვენთვის თითქმის შეუძლებელია იმის შესახებ რამის თქმა, თუ რა ხდება საავადმყოფოში და მის ეზოებში, ჩვენ ძლივს მოგვეწოდება მობილური ხაზები, მაგრამ ინტერნეტი არ არის.
ვერავინ ვერ ახერხებს გადაადგილებას და ვერ გაბედავს საავადმყოფოდან გასვლას, აქ თანამშრომლებმა იციან ბევრი დაბომბვის შესახებ, რაც ხდება საავადმყოფოს ირგვლივ, ჩვენ ვხედავთ, რომ კვამლი გამოდის ამ დაბომბვებიდან და ვიცით, რომ ზოგიერთ შენობაში არის ხალხი, მაგრამ სასწრაფო დახმარების მანქანები საავადმყოფოდან არ გამოდიან, რადგან… ბოლო დღეებში სასწრაფო დახმარების მანქანა საავადმყოფოდან გამოსვლისას დაიბომბა“, – თქვა მან.
ისრაელის თავდაცვის ძალებმა (IDF) ბოლო დღეებში განაცხადეს, რომ ალ-შიფას საავადმყოფოს მიმდებარე ტერიტორიაზე ინტენსიური ბრძოლები მიმდინარეობს.
საავადმყოფოს აღმოსავლეთით იყო დერეფანი, რომლითაც სარგებლობა შეეძლოთ ხალხს ფეხით და სასწრაფო დახმარების მანქანებით. გაურკვეველია, საავადმყოფოს კომპლექსში მყოფი ათასობით დევნილიდან რამდენმა შეძლო ამ დერეფნის გამოყენება გასასვლელად.
ალ ზაანუნმა თქვა, რომ საავადმყოფოში მყოფი ხალხი “შიმშილობს, არ არის საკვები არც სასმელი წყალი, ჩვენ ძლივს ვიღებთ ონკანის წყალს დღეში ერთი საათის განმავლობაში”.
ავტორი
