დეკანოზმა პეტრე კოლხმა ბარბარობის დღესასწაულთან დაკავშირებით, ფეისბუქის საკუთარ გვერდზე პოსტი გამოაქვეყნა. რომელშიც დეკანოზი წერს, რომ ნაყროვანება ცოდვაა და ბარბარობას იმდენ ლობიოს ნუ მივირთმევთ, რომ ცუდად გავხდეთ.
“გთხოვთ, ბარბარობა მოდის და იმდენ ლობიოს ნუ მიირთმევთ, რომ ცუდად გახდეთ…
მერე რა, რომ სამარხვოა, ნაყროვანება მაინც ცოდვაა.
თან ბარბარობა რომ მარტო ლობიოსთან ასოცირდება, კიდევ ერთი ნიშანია იმისა, რომ ,,სხვაგან ვართ”!..
ნუ დაილეწავთ თავ-პირს საცხობებთან, თუ არ შეგხვდათ ლობიანი, აუცილებლად გვაპატიებს ქალწულმოწამე ბარბარე!..” _ დაწერა პეტრე კოლხმა, რასაც ფეისბუქმომხმარებლების უარყოფითი კომენტარები მოყვა.
“Რატომ იკბინებით დაუსრულებლად? Განა ეკლესიაში მხოლოდ ფულისთვის შეყავით თავი? Მაშინ შეირგეთ, რაც კი გიშოვიათ და ყველაფერს სასაცილოდ ნუ გახდით. იქნებ სიჩუმე ხშირად ოქროზე ძვირია. იქნებ გავიხსენოთ საიდან და როგორი გზებით მოვდივართ”.
“ბრენდულ ტანსაცმელს და ირონიას გაფიცებთ მამაო, შეგვინდეთ ნაყროვანება”.
“ნეტა სად, ან როდის ნახეთ თავ-პირ დალეწილი ლობიანის რიგში მდგარი მორწმუნეები?? არც მოძღვარი არ გვასწავლის ლობიანის აუცილებლობას ამ დღეს, თუკი ვინმეს ტრადიციად აქვს, დაე მიირთვას, გამოაცხოს, იყიდოს, თქვენ რას დარდობთ ნეტა, ან რას აქილიკებთ, გასაოცარი ადამიანი ხართ, არც ერში მინახავს თქვენისთანა და არც ბერში, იშვიათი მოვლენა ხართ”.
“ლობოანს ვინც მიირთმწვს ბარბარობას ამით არაფერს აშავებს და იმის გამო რომ ლობიანსაც აცხობს, ტრადიციის მიხედვით, არ ნიშნავს რომ ურწმუნოა, არაფერი არ იცის და მარტო მუცლის გავსებაზე ფიქრობს. ტრადიციებია ეგ ყველაფერი, ტრადიციები, ოჯახიდან მოდის, სადაც ადამიანები სითბოში და სიყვარულში იზრდებიან და ცდილობენ ის ტრადიციები, რომელიც მათთვის ბედნიერებასთან ასოცორდება თავიანთ შთამომავლებსაც გადასცენ. ამით პატივს სცემებ ღმერთსაც და წინაპრებსაც და საკუთარ ოჯახებსაც ათბობენ სითბოთი და სიყვარულით. ცინიკოსი და ირონული მამაო, რომელივ ვითომ ფეხქვეშ თელავს ამ ყველაფერს უფრო საშინელი საყურებელია, ვოდრე ლობიანების რიგში მდგომი ნამდვილი ადამიანები, არავის რო არ უკითხავენ მორალს და არავის არანაირ ზიანს არ აყენებენ ლობიანის ჭამით. სამარცხვინო სასულიერი პირი ხართ, სამარცხვინო”.
წერენ პოსტით გაღიზიანებული ადამიანები, თუმცა ამავე პოსტზე არის დადებითი კომენტარებიც იმ ადამიანების, რომლებიც სრულად ეთანხმებიან პეტრე კოლკს.
