“46 წელი არის წლები წამებისა, მაგრამ ეს წამება იყო და არის სასიხარულო” _ პატრიარქი

46 წელი არის წლები წამებისა, მაგრამ ეს წამება იყო და არის სასიხარულო, – ამის შესახებ სრულიად საქართველოს კათალიკოს პატრიარქმა ილია მეორემ  აღსაყდრების დღესთან დაკავშირებით, სიონის საკათედრო ტაძარში საზეიმო წირვის დასრულების შემდეგ ქადაგებისას ბრძანა.

„46 წელი არის წლები წამებისა, მაგრამ ეს წამება იყო და არის სასიხარულო. ღვთის ლოცვა-კურთხევა გვაძლიერებდა ჩვენ და თქვენი სიყვარული. ჩვენ მადლობელი ვართ თქვენი სიყვარულისთვის“, – ბრძანა კათოლიკოს-პატრიარქმა, ილია მეორემ.

სადღესასწაულო წირვის დასრულების შემდეგ უწმინდეს მღვდელმთავრების სახელით პატრიარქის მოსაყდრემ, მიტროპოლიტმა შიომ მიმართა.

სრულიად საქართველოს კათოლიკოს-პატრიარქის, ილია მეორის აღსაყდრებიდან 46 წელი შესრულდა. ილია მეორე საქართველოს კათოლიკოს-პატრიარქად 44 წლის ასაკში, 1977 წელს გამართულ მე-12 საეკლესიო კრებაზე აირჩიეს.