ავტოსაგზაო შემთხვევას ერთი ადამიანი ემსხვერპლა. შემთხვევა ახალციხეში, სოფელ მუგარეთთან მოხდა. ინფორმაციას “სამხრეთის კარიბჭე” ავრცელებს.
როგორც საინფორმაციო სააგენტო წერს, თვითმხილველები ამბობენ, რომ მსუბუქი მანქანა და ტრაილერი ერთმანეთს შეეჯახა, მომხდარის შედეგად, მსუბუქი მანქანის მძღოლი, 32 წლის ქალი ადგილზე გარდაიცვალა.
გარდაცვლილი პროზექტურაში გადაიყვანეს.
შსს-ს ცნობით, ფაქტზე გამოძიება სსკ-ის 276-ე მუხლის მე-6 ნაწილით დაიწყო.
