ვერძი
რთულ სიტუაციაში საყვარელი ადამიანებისგან გონივრულ რჩევას და მხარდაჭერას მიიღებთ. ამ დღეს ადვილად ღიზიანდებით და უმნიშვნელო წყენაზეც კი ნერვიულობთ, ამიტომ ეცადეთ, დადებითად განწყობილი ადამიანების გარემოცვაში იტრიალოთ. მცირე ცვლილებები სასარგებლო იქნება – გირჩევთ, ახალ შეთავაზებას დაეთანხმოთ.
კურო
გირჩევთ, ამ დღეს შეხვედრებზე უარი თქვათ და ყველა საქმე შეძლებისდაგვარად, დისტანციურად მოაგვაროთ. უსიამოვნო სიტუაციების თავიდან ასაცილებლად, ვარსკვლავები გირჩევენ, რომ ხალხმრავალ ადგილებს მოერიდოთ. ყურადღება მიაქციეთ ჯანმრთელობის მდგომარეობას. სწორად იკვებეთ და ივარჯიშეთ. თუ კოლეგამ დახმარებისთვის მოგმართათ, უარს ნუ ეტყვით.
ტყუპები
ენერგიით სავსე ხართ, ამიტომ რთულ კითხვებზე პასუხის პოვნას ან რთულ მოლაპარაკებებში წარმატებას ადვილად მიაღწევთ. ეცადეთ, არ გადაიღალოთ და მუშაობიდან ყურადღება სასიამოვნო აქტივობებზე გადაიტანოთ. გირჩევთ, ურთიერთობებში მეტი თავშეკავება გამოიჩინოთ – მეტი უსმინეთ და ნაკლები აკრიტიკეთ. ნუ დაივიწყებთ პირობას, რომელიც ახლობელ ადამიანს მიეცით.
კირჩხიბი
დღის პირველ ნახევარში შეიძლება თავი შეუძლოდ იგრძნოთ და აქტიურ საქმიანობაში ჩართვა გაგიჭირდეთ. გირჩევთ, მნიშვნელოვანი საკითხების მოგვარება და შეხვედრები შუადღისთვის დაგეგმოთ, როდესაც ენერგიის დონე მნიშვნელოვნად გაიზრდება. გახსოვდეთ, რომ თქვენმა ზღვარგადასულმა ემოციურობამ შეიძლება საყვარელ ადამიანთან ურთიერთობაში პრობლემები შეგიქმნათ. საქმემ, რომელიც უიმედო გეგონათ, შეიძლება შემოსავალი მოგიტანოთ.
ლომი
გირჩევთ, ძალები და დრო ისე გაანაწილოთ, რომ რამდენიმე დაგეგმილი საქმის დასრულება შეძლოთ. მრავალმხრივი ნიჭი საშუალებას მოგცემთ, რომ კარგ შედეგებს მიაღწიოთ. მკაფიოდ შედგენილი გეგმა კი დაგეხმარებათ, რომ ყურადღებიდან არაფერი გამოგეპაროთ. მიუხედავად იმისა, რომ უდავო ლიდერი ხართ, გირჩევთ, სხვების მოსაზრებებიც გაითვალისწინოთ.
ქალწული
გარემოებები სწრაფად იცვლება, ამიტომ იძულებული ხართ, უამრავი მოულოდნელი პრობლემა მოაგვაროთ. ეცადეთ, ოჯახის წევრებთან ურთიერთობისთვის დრო გამონახოთ და საშინაო საქმეებში დაეხმაროთ. სასურველია, რომ საღამო საინტერესო ადგილას გაატაროთ. გახსოვდეთ, რომ ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.
სასწორი
ამ დღეს, მუშაობასთან ერთად, საყოფაცხოვრებო საკითხების მოგვარებაც მოგიწევთ. თუ ერთდროულად ყველაფერთან გამკლავება გიჭირთ, გარკვეული პასუხისმგებლობები ოჯახის წევრებს უნდა გაუნაწილოთ. ეცადეთ, ფული ეკონომიურად ხარჯოთ, რადგან უახლოეს დღეებში დაუგეგმავი ხარჯები გელით. სავარაუდოდ, ახალი ურთიერთობები სწრაფად განვითარდება და ბევრ სასიამოვნო სიურპრიზს მოგიტანთ. დღის მეორე ნახევარში სამსახურსა თუ კომერციულ საქმიანობასთან დაკავშირებით ახალი იდეები გეწვევათ
მორიელი
შესაძლოა, დილას თავი შეუძლოდ იგრძნოთ, რაც მუშაობაში ხელს შეგიშლით. დამატებითი სირთულეების გადალახვა დიდ დროს და ენერგიას წაგართმევთ, ამიტომ გირჩევთ, დაისვენოთ და ძალები აღიდგინოთ. ნებისმიერ საქმეში, რომელიც ფულს და ქონებას ეხება, სიფრთხილე უნდა გამოიჩინოთ – არსებობს შეცდომის დაშვების რისკი, რომელსაც უსიამოვნო შედეგები მოჰყვება.
მშვილდოსანი
ეცადეთ, ოჯახის წევრებთან და საყვარელ ადამიანებთან მეტი დრო გაატაროთ, აქტუალური საკითხები განიხილოთ და საერთო საქმეებზე იზრუნოთ. თუ საყიდლებზე წასვლას გეგმავთ, ეცადეთ, ფული ეკონომიურად ხარჯოთ, რადგან მალე დიდი თანხა დაგჭირდებათ. ამ დღეს კოლეგებთან ურთიერთობა გიჭირთ, თუმცა ეს დროებითი სირთულეებია და მალე დავიწყებას მიეცემა.
თხის რქა
თუ ნებისმიერ წვრილმანზე იკამათებთ, შეიძლება საყვარელ ადამიანებთან ურთიერთობა გაიფუჭოთ. არახელსაყრელი დროა რაღაცის შეცვლის ან ახალი საქმის დაწყებისთვის. ეცადეთ, სამუშაოზე ნაკლები იფიქროთ, დაისვენოთ და ძალები აღადგინოთ. გაითვალისწინეთ, რომ დღეს თქვენს საქმეებში ჩარევა ბევრს მოუნდება და მხოლოდ თქვენ უნდა გადაწყვიტოთ, ვის მისცეთ ამის უფლება და ვის არა.
მერწყული
გირჩევთ, ამ დღეს მსუბუქი სამუშაო აკეთოთ და ხშირად შეისვენოთ. გამორიცხული არ არის ჯანმრთელობასთან დაკავშირებული პრობლემები, რაც გეგმების შეცვლას გაიძულებთ. შესაძლებლობა მოგეცემათ, პროფესიული საკითხები არაფორმალურ გარემოში განიხილოთ და გავლენიანი ადამიანების მხარდაჭერა მიიღოთ.
თევზები
ამ დღეს უამრავი ახალი ინფორმაციის მიღება და დამუშავება გელით. გირჩევთ, ურთიერთობები შეზღუდოთ, რათა არ გადაიღალოთ. გამორიცხული არ არის, რომ ცხარე დებატებში ჩართვა და საკუთარი პრინციპების დაცვა მოგიწიოთ.
