ახალმა კვლევამ აჩვენა, რომ წონის აუხსნელი დაკლება შეიძლება იყოს სიმსივნის ერთ-ერთი პირველი ნიშანი.
ცნობისთვის, რამდენიმე ჯანდაცვის ორგანიზაციისა და კიბოს ცენტრის მკვლევარებმა გაანალიზეს თითქმის 160,000 ადამიანის მონაცემები Nurses’ Health Study-ში.
კვლევის მიხედვით, ზედა კუჭ-ნაწლავის ტრაქტის სიმსივნის მქონე ადამიანებს ყველაზე მეტად აღენიშნებოდათ წონის მნიშვნელოვანი დაკლება დიაგნოზის დასმამდე. მკვლევარებმა ასევე დაადგინეს, რომ მკერდისა და ტვინის სიმსივნის და მელანომის მქონე ადამიანები წინასწარ არ უჩიოდნენ წონის მნიშვნელოვან დაკლებას.
„ზოგადად, კიბოთი დაავადებულმა ადამიანებმა შეიძლება განიცადონ სხვადასხვა სიმპტომები, მათ შორის ტკივილი, სისუსტე, დაღლილობა – ამ ყველაფერმა შეიძლება გამოიწვიოს ჭამისადმი ინტერესის დაქვეითება. ზოგიერთი კიბო კი იწვევს დასვენების დროს ორგანიზმში უფრო მეტ კალორიას დაწვას, ვიდრე ჩვეულებრივ, რამაც შეიძლება ხელი შეუწყოს წონის უნებლიე კლებას“,_ განუცხადა Yahoo Life-ს Fox Chase Cancer Center-ის კვების მხარდაჭერის დიეტოლოგმა ჯეილინ კელოგმა.
მკვლევარები აღნიშნავენ, რომ წონის მნიშვნელოვანი აუხსნელი კლება მხოლოდ კიბოს არ უკავშირდება და შესაძლოა გამოწვეული იყოს ფარისებრი ჯირკვლის და ენდოკრინული პრობლემებით.
”თქვენ არ უნდა გამოიტანოთ ნაჩქარევი დასკვნები. მაგრამ უნდა ჩაიტაროთ საფუძვლიანი გამოკვლევა”,_ ამბობენ ისინი.
