“ეთერ თათარაიძეს არაერთხელ უამბნია ბავშვობის იმ ბედნიერ წლებზე როცა თუშეთში მოხვედრა მხოლოდ ცხენით იყო შესაძლებელი. იხსენებს ხოლმე როგორ ყველა გახარებული იყო საავტომობილო გზის გაყვანით თითონ კი უტირია. დიდი ზეიმი გაუმართავთ მაშინ, ბევრი ხარობდა და ულოცავდნენ ერთმანეთს. ეთერო კი მიყვება პირველი მანქანა, რომ დავინახე სახეზე ხელები ავიფარე, თვალი მინდოდა ამერიდებინაო. ახალგაზრდა ვიყავი მაგრამ ვიცოდი ეს იქაურობის დაქცევას ნიშნავდაო.
ვინ ოხერი ამბობს ისევ ყავრით დახურულ, ბარჯგებზე შემდგარ, ჭრაქით განათებულ ქოხებში ვიცოხვროთ ან ვაცხოვროთ სტუმარი, მაგრამ ასე გამეტებულად, უსიყვარულოდ, ასე უსულგულოდ????
ბახმაროს რომ მიხედვა და მშენებლობა სჭირდება ყველა ვხვდებით, მაგრამ ასე??
არც ის ვიცი, ვინ აშენებს ან ვისთვის ან როდისთვის, მაგრამ ასე რომ იქაურობა გაპარტახდება, ამაში დარწმუნებული ვარ.
ჩემი აზრი საერთოდ არაა საინტერესო, ალბათ, ამ პროექტის ავტორებისათვის და მითუმეტეს დამკვეთებისათვის, მაგრამ არ შემიძლია არ გამოვხატო საჯაროდ რომ სასტიკად არ მომწონს და რითაც, როგორც შემეძლება შევეწინააღმდეგები”,_ წერს სოციალურ ქსელში ცნობილი მებაღე ზურაბ შევარდნაძე.
