რუსი ოპოზიციონერი ლიდერის, ალექსეი ნავალნის ცხედარი გარდაცვალებიდან 8 დღის შემდეგ ოჯახს გადასცეს. ინფორმაციას BBC ავრცელებს.
22 თებერვალს ლუდმილა ნავალნაიამ ხელი მოაწერა მისი გარდაცვალების სამედიცინო ცნობას. დასკვნაში ნათქვამია, რომ გარდაცვალების მიზეზები ბუნებრივი იყო.
ინფორმაციისთვის, იამალო-ნენეცის ავტონომიური ოკრუგის FSIN განყოფილებამ 16 თებერვალს გამოაცხადა ნავალნის გარდაცვალების შესახებ პოლარული მგლების კოლონიაში. განყოფილებაში განაცხადეს, რომ გასეირნებისას იგი ცუდად გახდა და გონება დაკარგა, მისულმა ექიმებმა ის გარდაცვლილი დადგინეს. 17 თებერვალს დედას ლუდმილა ნავალნაიას გადაეცა მისი გარდაცვალების მოწმობა.
BBC-ის მიერ გავრცელებული ინფორმაციით,ოპოზიციონერის პრესმდივანი კირა იარმიში ამბობს, რომ მას შემდეგ, რაც დედამ ხელი მოაწერა შვილის გარდაცვალების მოწმობას, რომელშიც ნათქვამია, რომ ის ბუნებრივი მიზეზით გარდაიცვალა, მას სამი საათი მიეცა, რათა დათანხმებულიყო შვილის “საიდუმლო” დაკრძალვაზე. თუ არ დათანხმდებოდა, მას დაკრძალავდნენ იმ ციხის ტერიტორიაზე, სადაც გარდაიცვალა.
თუმცა, ლუდმილამ, როგორც ჩანს, უარი თქვა ხელისუფლებასთან მოლაპარაკებაზე.
ქალბატონმა იარმიშმა თქვა, რომ დაკრძალვის გეგმები ჯერ კიდევ არ არის ნათელი.
”ჩვენ არ ვიცით, ჩაერევა თუ არა ხელისუფლება იმაში, რომ ის განხორციელდეს ისე, როგორც ოჯახს სურს და როგორც ალექსეი იმსახურებს”, – თქვა მან.
