REUTERS– ის ინფორმაციით, რუსეთის პრეზიდენტმა ვლადიმერ პუტინმა გააფრთხილა დასავლეთის ქვეყნები ხუთშაბათს, რომ არსებობს ბირთვული ომის რეალური რისკი, თუ ისინი გაგზავნიან საკუთარ ჯარს უკრაინაში საბრძოლველად და მან თქვა, რომ მოსკოვს აქვს იარაღი დასავლეთში სამიზნეებზე დასარტყმელად.
როგორც ცნობილია, პუტინმა აღნიშნული განცხადება მას შემდეგ გააკეთა, რაც საფრანგეთის პრეზიდენტ ემანუელ მაკრონმა წარმოადგინა იდეა ნატოს ჯარების უკრაინაში გაგზავნის შესახებ. აღნიშნული წინადადება ამერიკის შეერთებულმა შტატებმა, გერმანიამ, ბრიტანეთმა და სხვა ქვეყნებმა სწრაფადვე უარყვეს.
“დასავლეთის ქვეყნებმა უნდა გააცნობიერონ, რომ ჩვენ ასევე გვაქვს იარაღი, რომელსაც შეუძლია დაარტყას სამიზნეს მათ ტერიტორიაზე. ეს ყველაფერი ნამდვილად ემუქრება კონფლიქტს ბირთვული იარაღის გამოყენებით და ცივილიზაციის განადგურებით. განა ისინი ამას ვერ ხვდებიან?!”_ თქვა პუტინმა.
პუტინმა დასავლელ პოლიტიკოსებს შესთავაზა გაიხსენონ ისეთი ადამიანების ბედი, როგორიცაა ნაცისტური გერმანიის ადოლფ ჰიტლერი და ფრანგი ნაპოლეონ ბონაპარტი, რომლებიც წარსულში წარუმატებლად შეიჭრნენ მის ქვეყანაში.
”ახლა შედეგები ბევრად უფრო ტრაგიკული იქნება”, – თქვა პუტინმა და აღნიშნა, ”მათ ჰგონიათ, რომ ომი მულტფილმია”.
