“არა რუსულ კანონს!” _ პროტესტი პარლამენტთან დილიდან განახლდება

პარლამენტთან „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია დღეს, 12:00 საათიდან განახლდება. კიდევ ერთი აქცია კი დღეს, საღამოს 19:00 გაიმართება.

„ქართული ოცნების“ მიერ წარდგენილ „უცხოური გამჭვირვალობის შესახებ“ კანონპროექტს, იურიდიულ საკითხთა კომიტეტმა, პირველი მოსმენით, ხმაურის, დაპირისპირებისა და პროტესტის ფონზე მხარი დაუჭირა.

პარლამენტთან ვითარება რამდენჯერმე დაიძაბა, ბოლო ოფიციალური ცნობებით, პოლიციამ 14 პირი დააკავა.