| ჩოხატაურის მუნიციპალიტეტში უკვე წლებია მუშაობს შეზღუდული შესაძლებლობის მქონე პირთა საკითხებზე მომუშავე საბჭო, რომლის თავმჯდომარეა მუნიციპალიტეტის მერი დავით შარაშიძე. ეფექტური მუშაობისთვის წელს საბჭო გადახალისდა და მასში შესულნი არიან, როგორც მერიის სხვადასხვა სამსახურის, ისე – შშმ პირებთან მომუშავე არასამთავრობო ორგანიზაციების წარმომადგენლები, შშმ პირთა მშობლები და თავად შშმ პირები.
საბჭო აქტიურად მუშაობს შშმ პირთა პრობლემების და საჭიროებების გამოვლენაზე, მათი გადაჭრის გზების მოძიებასა და შშმ პირთა საზოგადოებაში ინტეგრირებაზე. ყველა შეზღუდული შესაძლებლობის პირს და მათი ოჯახის წევრს შეუძლია მიმართოს საბჭოს სხვადასხვა ინიციატივით, რომელთა განხილვაც მოხდება და შესაძლებელი გახდება, ხელშეწყობა ამ ინიციატივის განხორციელებაში. „ქალები ქალებისთვის” ინიციატივით შშმ პირთა საბჭოში პროექტის- „ვითამაშოთ“ წარდგენა მოხდა. პროექტი ითვალისწინებს მუნიციპალიტეტში არსებულ საბავშვო ბაღებში ბავშვთა ფსიქოლოგიურ შეფასებასა და კონსულტირებას. მეორე ეტაპი მოიცავ ბაღის პედაგოგებთან და მშობლებთან საინფორმაციო-სასწავლო სახის შეხვედრებს. |
