ლიეტუვის და ესტონეთის საგარეო მინისტრები უარყოფენ, რომ პაპუაშვილს დაეთანხმნენ

In response to confusion about the meeting with the Chair of the Parliament of Georgia @shpapuashvili, I feel the need to clarify that we did not agree that Georgia was right to ignore European advice and values, and we expressed extremely strong views, not “some concerns”. pic.twitter.com/keuj60Xsxx

— Gabrielius Landsbergis🇱🇹 (@GLandsbergis) May 15, 2024

ესტონეთის საგარეო საქმეთა მინისტრმა მარგუს ცაჰნკამ აღნიშნა, რომ მსგავს რაღაცაზე არ შეთანხმებულან და მას საპირისპირო გზავნილი ჰქონდა: „საქართველო არ მიდის სწორი მიმართულებით”.

საქართველოში იმყოფებიან ლიეტუვის, ესტონეთის, ისლანდიის და ლატვიის საგარეო საქმეთა მინისტრები. ისინი შეხვდნენ პარლამენტის თავმჯდომარეს შალვაა პაპუაშვილს და განხილვის ერთ-ერთი თემა იყო 14 მაისს პარლამენტში მესამე მოსმენით მიღებული აგენტების კანონი.

პაპუაშვილმა შეხვედრის შემდეგ განაცხადა: „დღეს, შიგნით საუბრისას ყველა შევთანხმდით, რომ ჩვენ სწორი გავაკეთეთ, რომ არ მოვუსმინეთ ჩვენს ევროპელ კოლეგებს, როდესაც არ დავუწესეთ სანქციები [რუსეთს], მათი რჩევის საწინააღმდეგოდ, კარგი ვქენით, რომ არ მოვუსმინეთ ევროპელ კოლეგებს და არ გავათავისუფლეთ სააკაშვილი, მათი რჩევის და საწინააღმდეგოდ. ჩვენ აღმოვჩნდით მართალი და ისინი, ვინც გვირჩევდნენ სანქციების დაწესებას და სააკაშვილის გათავისუფლებას, აღმოჩნდნენ მტყუანი.

რაც შეეხება ამ სიტუაციას, აქაც ეს ვუთხარით, რომ რომ აქაც გამოდის, რომ თუ თქვენ ასე შავ-თეთრად უყურებთ სამყაროს და არა კომპლექსურად, როგორც ჩვენ ვაკეთებთ. სამყარო არ არის შავ-თეთრი. ეს საკმაოდ კომპლექსური საკითხებია. ან თქვენ რეკომენდაციებს გავითვალისწინებთ და ან ასე იქნება, რა დაზღვევაა, რომ ამ შემთხვევაშიც არ ცდებით, ისევე როგორ წინა შემთხვევებში შეცდით? ამიტომ, ჩვენი მოწოდება და საბოლოო ჯამში ეს განწყობა იყო ჩვენი დღევანდელი შეხვედრის, რომ მთავარია ურთიერთობა დამყარებული იყოს ურთიერთპატივისცემაზე და გაიგონ ის წუხილები, რომლებიც ჩვენ გვაქვს,“ – განაცხადა პაპუაშვილმა.

წყარო: რადიო თავისუფლება