ოზურგეთელ ევროპის ჩემპიონებს საზეიმო დახვედრა მოუწყვეს

ოზურგეთის მუნიციპალიტეტის სპორტულ-გამაჯანსაღებელ დაწესებულებთა გაერთიანებამ საზეიმო დახვედრა მოუწყო ევროპის ჩემპიონებს ბერძნულ – რომაულ ჭიდაობაში გიორგი თოხაძეს და ნიკოლოზ კუტუბიძეს.

სტუმრებმა სახელოვანი გამარჯვება მიულოცეს სპორტსმენებს და მათ მწვრთნელებს და კიდევ ბევრი წარმატება უსურვეს.

ნიკოლოზ კუტუბიძე და გიორგი თოხაძე თითქმის ერთდროულად გახდნენ ევროპის ჩემპიონები, 48 და 55 კგ წონით კატეგორიებში.

ნიკოლოზი კუტუბიძე 15 , ხოლო გიორგი თოხაძე 23 წლამდელთა შორის. ევროპის ჩემპოინატები საბერძნეთსა და აზერბაიჯანში გაიმართა.

ნიკოლოზ კუტუბიძისა და გიორგი თოხაძის პირადი მწვრთნელები ძმები ზურაბიანები და კახაბერ აბაშიძეა.

„საამაყო ამბავია ჩვენი ოზურგეთისთვის და ყველას ვულოცავ. გიორგი თოხაძე არის მსოფლიო ჩემპიონი, ასევე არის არგენტინაში ოლიმპიური ჩემპიონატის პრიზიორი და წელს გახდა ევროპის ჩემპიონი. წინა წელს კი საქართველოს ეროვნულმა ოლიმპიურმა კომიტეტმა წლის აღმოჩენად დაასახელა”,   – გვითხრა გიორგი თოხაძის მწვერთნელმა ვალერი ზურაბიანმა.

ნიკოლოზ კუტუბიძის მწრთვნელის კახაბერ აბაშიძის თქმით, ოზურგეთში 15 დღეში ორი ევროპის ჩემპიონი ჩამოვიდა.

„ეს არის ჩვენი ქვეყნის და ოზურგეთის დიდი წარმატება. ნიკოლოზი არის მონდომებული და წარმატებული ახალგაზრდა. დარწმუნებული ვარ კიდევ ბევრ წარმატებას მიაღწევს ცხოვრებაში და სპორტულ კარიერაში,“_  თქვა კახაბერ აბაშიძემ.

გიორგი თოხაძის თქმით, ეს წარმატება ყოველდღიური ვარჯიშის და მისი მწრთვნელების დამსახურებაა.

გიორგი თოხაძე: ძალიან გახარებული ვარ. პირველი ოქროს მედალი იყო ევროპის ჩემპიონატზე და მადლობა ყველას ჩემი სიხარულის გაზიარებისთვის. ოქტომბრის თვეში მსოფლიო ჩემპიონატში მივიღებ მონაწილეობას და ყველაფერს გავაკეთებ გამარჯვებული დავბრუნდე ოზურგეთში.“

გიორგი თოხაძის დიდი ოცნებაა, რომ ოლიმპიური ჩემპიონი გახდეს და მისი სურვილია 2028 წლის ოლიმპიური თამაშებში მოხვდეს.

რაც შეეხება ნიკოლოზ კუტუბიძეს ის ჭიდაობაში 7 წელზე მეტია ვარჯიშობს. ის  ოზურგეთის #4 საჯარო სკოლის მოსწავლეა.

„ამ გამარჯვებას ველოდებოდი, რადგან ბევრს ვარჯიშობდი და ჩემი მწრვთნელს მოცემულ შენიშვნებსაც ვითვალისწინებდი. ყველაფერს გავაკეთებ, რომ ყოველწლიურად მივიღო მონაწილეობა მსოფლიოს, ევროპის და ასევე ოლიმპიურ ჩემპიონატებზე. გამარჯვებისთვის ყველაფერს გავაკეთებ”.