როგორც ცნობილია, გურიაში, ოზურგეთში, ყველაზე სკანდალური მეოთხე საჯარო სკოლის დირექტორის არჩევნები იყო, მიუხედავად იმისა, რომ ოზურგეთის რამდენიმე საჯარო სკოლის მიმართ, განსაკუთრებული ინტერესი არსებობდა.
როგორც ვიცით, გასულ წელს, აღნიშნულ სკოლაში საკმაოდ ხმაურიანი აქციებიც კი გაიმართა დირექტორობის მოვალეობის შემსრულებლის, ტარიელ კალანდაძის მხარდასაჭერად. სკოლის სამეურვეო საბჭოდან, დირექტორობის კანდიდატს, ხათუნა ლომთაძეს მხოლოდ ერთმა წევრმა მისცა ხმა.
დღეს კი, 14 ინვნისს ამ სკოლაში დირექტორის არჩევნები ტარდება, სადაც ჩვენი ინფორმაციით, მხოლოდ ერთი კანდიდატი, ისევ ხათუნა ლომთაძეა.
_ გუშინ , სამ საათზე დამირეკა ტარიელ კალანდაძემ და მითხრა, რომ დღეს, 14 ივნისს, 2 საათზე ვატარებ არჩევნებსო. მარტო ჩემი კანდიდატურაა სამინისტროდან, მან თავიდან უარი თქვა, გასაუბრებას გაეთიშა და კიდევ ერთ კანდიდატს, ირმა კვაჭანტირაძეს, როგორც ვიცი , სამინისტროდან პასუხი არ მოსვლია.
პროგნოზს ვერანაირს ვერ გავაკეთებ, დირექტორის დაკომპლექტებულია სამეურვეო საბჭო, რომეთანაც მე სეხება არ მქონია. იცით, რომ ხმაარ მოცეს. დაარანარი სეხებაარ მქონია და არ მაქვს დიდი მოლოდინი. ვფიქრობ, ისევ დამბლოკავენ. თუმცა, ვნახოთ, დაველოდოთ, რა მოხდება. მე გაოგნებული ვარ, ტარიელ კალანდაძემ გუშინ სამ საათზე დამირეკა. როგორც გავიგე, სკოლაში გუშინწინ მოსულა პასუხი. სამინისტრომ როცა დადო, მოგვიანებით, მერე მეც ვნახე. გუშინ 3 საათზე დამირეკა, როცა წინა დღით იყო ყველაფერი ცნობილი. ძლივს მოვასწარი საბუთების შეგროვება. წარდგენა პირველ საათზეა და არჩევნები ორზეო… მივდივარ ახლა, რეგისტრაციას გავივლი… _ თქვა ჩვენთან ხათუნა ლომთაძემ.
გურია ნიუსი დაუკავშირდა მეოთხე საჯარო სკოლის მოქმედ დირექტორს, ტარიელ კალანდაძეს.
-12 ივნისს, საღამოს მოვიდა სამინისტროდან შეტყობინება. 13-ში, დღის მეორე ნახევარში ვუთხარით ხათუნა ლომთაძეს, რაც შეეხება არჩევნებს კი, დღეს, 2 საათზეა. რა მოხდება, არ ვიცი. მე არ ვარ სამეურვეო საბჭოს წევრი და არ ვერევი, _ გვითხრა ტარიელ კალანდაძემ.
ავტორი
