ქართული ოცნება” და მისი საპატიო თავმჯდომარე ბიძინა ივანიშილი უკვე მეორე რეგიონალურ შეკრებაზე ასახელებს სამ პუნქტს რისთვისაც პარტიას საკონსტიტუციო უმრავლესობის მოპოვება სურს, თუმცა, მეოთხე საკითხი კვლავ ღიად რჩება. ანალიტიკოსები ფიქრობენ, რომ ივანიშვილს გარკვეული მინიშნება ჰქონდა და სავარაუდოდ ესაა მართლმადიდებლობის სახელმწიფო რელიგიად გამოცხადება.
ოპოზიცია მიიჩენევს, რომ „ქართული ოცნების” ლიდერების გზავნილები „იაფფასიანი პროპაგანდაა”, რომელიც საზოგადოების „დაშინებას, დახლეჩას და ერთმანეთთან დაპირისპირებას ისახავს მიზნად”.
რაც შეეხება საკითხს თუ როდის დააკონკრეტებს მეოთხე პუნქტს ბიძინა ივანიშვილი, ეს შესაძლოა კულმინაციურ ეტაპზე, არჩევნებამდე ცოტა ხნით ადრე თქვას.
ივანიშვილის მინიშნება მეოთხე საკითხზე
„ქართული ოცნების” საპატიო თავმჯდომარემ ბიძინა ივანიშვილმა 25 აგვისტოს ამბროლაურში, „ქართული ოცნების” საარჩევნო კამპანიის რეგიონულ ღონისძიებაზე საზოგადოებას კვლავ მიმართა და ის სამი პუნქტი დაასახელა, რისთისაც „ქართულ ოცნებას” საკონსტიტუციო უმრავლესობის მოპოვება სურს. მეოთხე თემა კი კვლავ უცნობია, თუმა გარკვეული მინიშნება გააკეთა.
„პირველი, პირველი და მთავარი შეიძლება იყოს, საქართველოსთვის სასიცოცხლოდ მნიშვნელოვანია პოლიტიკური სისტემის გაჯანსაღება, რაც ქართული პოლიტიკიდან „ნაციონალური მოძრაობის” ჩამოშორების გარეშე შეუძლებელი იქნება. როდესაც საკონსტიტუციო უმრავლესობას მოვიპოვებთ, ჩვენთვის ეს იქნება საზოგადოების დაკვეთა, რომ სამართლებრივი შეფასება მიეცეს ჩვენი ქვეყნის მტრების დანაშაულებრივ ქმედებებს, განსაკუთრებით კი 2008 წლის აგვისტოს ომის დროს ჩადენილ უმძიმეს დანაშაულებს. ჩვენ ვიღებთ პასუხისმგებლობას, რომ არჩევნების დასრულებისა და ქართველი ხალხისგან მაღალი ლეგიტიმაციის მოპოვების შემდეგ დაიწყება პროცესი, რომელიც დასრულდება დამნაშავეების გასამართლებით და მკაცრად დასჯით!
„მეორე, საქართველოს პარლამენტში უკვე ინიცირებულია კონსტიტუციური კანონპროექტი „ოჯახური ღირებულებებისა და არასრულწლოვანთა დაცვის შესახებ”, რომელსაც, ისევე როგორც ყველაფერს ქართული ინტერესებისთვის სასარგებლოს, „კოლექტიური ნაცმოძრაობა” ეწინააღმდეგება.
“აქაური აგენტურა დიდი ენთუზიაზმით იცავს და ავრცელებს ფსევდოლიბერალურ იდეოლოგიას, რომლის მიზანიც ყოველგვარი ტრადიციული ფასეულობების მოშლა, ადამიანების ღირსებისგან თუ მორალისგან სრული დაცლა და ყველაზე დაბალი რანგის მონებისგან შემდგარი, ერთი ფსიქოლოგიის მქონე მასის შექმნაა. თუმცა, საკონსტიტუციო უმრავლესობის მოპოვებისთანავე ჩვენ აუცილებლად შევასრულებთ საქართველოს მოსახლეობის უმრავლესობის დაკვეთას – ოჯახურ ღირებულებებსა და არასრულწლოვანთა ინტერესებს განსაკუთრებით მოვუფრთხილდებით და კონსტიტუციის დონეზე დავიცავთ!
„მესამე, ჩვენი – ქართველების ერთ-ერთი უმთავრესი ეროვნული ამოცანა ტერიტორიული მთლიანობის აღდგენაა. განვლილმა რამდენიმე წელიწადმა თვალსაჩინო გახადა, რომ რეგიონში მოვლენები ძალიან სწრაფად ვითარდება. შესაბამისად, შესაძლებლობის გაჩენისა და ტერიტორიული მთლიანობის მშვიდობიანი გზით აღდგენისათვის, ნებისმიერ დროს უნდა ვიყოთ მზად.
“ასეთ შემთხვევაში აუცილებელი გახდება ჩვენი ქვეყნის მმართველობის სისტემა და სახელმწიფო ტერიტორიული მოწყობა ახალ რეალობასთან მოვიდეს კორელაციაში, რისი ერთადერთი გზაც კონსტიტუციური ცვლილებების განხორციელებაა. დარწმუნებით შეგვიძლია ვთქვათ, რომ აგენტურით გაჯერებული ოპოზიცია ამჯერადაც უარს იტყვის საქართველოს ინტერესების გატარებაზე, გააგრძელებს გარე დავალებების შესრულებას და ტერიტორიული მთლიანობის აღდგენისთვის აუცილებელ ცვლილებებს წინ აღუდგება. სწორედ ამიტომ გვჭირდება საკონსტიტუციო უმრავლესობა, რათა საჭიროების შემთხვევაში, საკონსტიტუციო ცვლილებებს წინ ვერავინ აღუდგეს.
„და მეოთხე, როგორც პოლიტიკური საბჭოს მიერ გავრცელებულ წერილში, ასევე მცხეთაში ჩემს გამოსვლაში აღვნიშნე, რომ არის კიდევ ერთი, ჩვენი ქვეყნისა და სარწმუნოებისათვის ეგზისტენციალურად მნიშვნელოვანი საკითხი, რომლის თაობაზეც მიმდინარეობს აქტიური მუშაობა და უახლოეს პერიოდში საზოგადოებას მნიშვნელოვანი გადაწყვეტილების თაობაზე ვაცნობებთ”, – თქვა ივანიშვილმა.
რა შეიძლება იყოს მეოთხე პუნქტი
ანალიტიკოსი გია აბაშიძე ფიქრობს, რომ თავად ივანიშვილის სიტყვებიდან გამომდინარე შესაძლოა მეოთხე პუნქტი მართლმადიდებლობის სახელმწიფო რელიგიად გამოცხადებას უკავშირდებოდეს.
„ბიძინა ივანიშვილის სიტყვებიდან გამომდინარე, სავარაუდოდ ესაა მართლმადიდებლობის სახელმწიფო რელიგიად გამოცხადების სტატუსი. ეს ჩვენი დედა ეკლესიისთვის უმაღლესი სტატუსია და დიდი ალბათობით მან ეს იგულისხმა. ასევე არ დაგვავიწყდეს, რომ „ნაცმოძრაობასთან” აფილირებული ზოგიერთი მედიასაშუალება უკვე ღიად აფიქსირებს, რომ ამაზეა ლაპარაკი, მაგრამ ამას კნინობით ფორმაში ახსენებს და აპოკალიპტურ ფერებში ხედავენ.
„ფსევდოლიბერალებისთვის ენა, მამული, სარწმუნოება ხომ არ არსებობს?! ამაზე ისინი ღიზიანდებიან და ვერც კი აცნობიერებენ, რომ მათი ფსევდოლიბერალური ღირებულებები საქართველოს საზოგადოების უდიდესი ნაწილისთვის ტოტალურად მიუღებელია. თუმცაღა, მაინც ასრულებენ გარე დამკვეთის მითითებებს, რომ თითქოს საქართველო „უნდა გაანათლონ” და „დემოკრატიული გახადონ”, რაც სრული სისულელეა.
„ისინი უსამშობლო სუბიექტები არიან, რომლებიც მოწყვეტილნი არიან საქართველოს ისტორიას, ღურებულება-ფასეულებებს. „ქართული ოცნების” გუნდი და მისი მხარდამჭeრი ელექტორატი, რომელიც უდიდეს უმრავლესობას წარმოადგენს, სწორედ ამისა და ქვეყნის სუვერენიტეტის დასაცავად იბრძვის ხმალამოღებული. ამას ვერ ეგუებიან და ამიტომაც ჭარბი თავდასხმები მიდის, როგორც ბიძინა ივანიშვილზე, ისე მმართველ პარტიის სხვა ლიდერებზე.
„როცა ივანიშვილმა ასევე ახსენა, რომ საკონსტიტუციო უმრავლესობა ქვვეყნის ტერიტორიული მთლიანობის აღდგენისთვის აუცილებელიაო, ესეც დაამახინჯეს, განსაკუთრებით „ლელოს” ნაცენჯეოშნიკი ანა ნაცვლიშვილი აქტიურობს, რომ თითქოს „ქართულმა ოცნებამ” სეპარატისტული რეგიონები უნდა აღიაროს, რაც უდიდესი ტყუiლი და მავნებლობაა, რაც თავად „ლელოსა” და სხვა ე.წ. პარტიებს აზიანებს, სადაც რევანშისტები არიან შეკრებილები და რომელთა მიზანიც წარსული პრივილეგიების მიტაცება და ქვეყნისა და ფასეულობების ნგრევაა.
„დღეს ეს მოცემულობაა – ან განვითარება და სუვერენიტეტი, ან სიბნელე და გარე გლობალური ომის პარტიის მონობა, სუვერენიტეტის დაკნინება და ქაოსის და უძრაობის ხანის დაბრუნება, როგორც სააკაშილის რეჟიმის დროს იყო”,- განაცხადა აბაშიძემ.
კითხვაზე, როდის შიძლება ივანიშვილმა მეოთხე პუნქტი დაასახელოს, აბაშიძე ფიქრობს, რომ ეს შეიძლება არჩევნებამდე ცოტა ხნით ადრე გააჟღეროს.
„ეს ძალიან კარგი პოლიტიკური კამპანიაა, რაც „ქართულმა ოცნებამ” დაიწყო. პარტიის დამფუძნებელი ამას როდის იტყვის ჯერჯერობით უცნობია- კულმინაციურ თუ სხვა შეხვედრაზე, თუმცა, მე არჩევნებამდე ცოტა ხნით ადრე მგონია”,- განაცხადა გია აბაშიძემ „რეზონანსთან”.
შავი ზღვის უნივერსიტეტის პროფესორი და ანალიტიკოსი ნიკა ჩიტაძე „რეზონანსთან” აცხადებს, რომ თუ „ქართული ოცნების” გეგმა ქრისტიანობის სახელწიფო რელიგიად გამოცხადებაა, ეს ქვეყანაში რელიგიური უმცირესობის წარმომადგენლებისთვის დისკრიმინაციული აღმოჩნდეს და თავად ოცნებისთვის იყოს კონტრპროდუქტიული ხმების მოპოვების თვალსაზრისით. ჩიტაძე ფიქრობს, რომ „ოცნების” პუნქტები ძირითადად პროპაგანდაა.
„ქართული ოცნება” აპელირებს ეროვნულ და რელიგიურ ღირებულებეზე, რომ კონსტუტუციაში იყოს ჩაწერილი. ამ შემთვევაში მგონია, რომ პრობლემა შეიქმნება, რადგან ქვეყანაში რელიგიური უმცირესობების წარმომადგენლები იმყოფებიან.
„ასევე, საინტერესოა თუ ქრისტიანობას სახელმწიფო რელიგიად გამოაცხადებს, ეს შინაარსობრივად რას ნიშნავს – უფრო ქრისტიანული ქვეყანა ვიქნებთ თუ არა. ბუნებრივია, „ქართული ოცნების” პირობებში უფრო ქრისტიანული ქვეყანა ვერ ვიქნებით. არაა გამორიცხული, რომ მათ 78-ე მუხლი შეცვალონ და აიცილონ პასუხისმგებლობა ევროპულ და ევროატლანტიკურ ინტეგრაციაზე, რომ ძალაუფლება შინარჩუნონ.
„ოცნების” ეს ნაბიჯი სხვა რელიგიის მქონდე ადამიანების ხმებს დააკარგინებს, მაგრამ ალბათ გათვლა იმაზეა, რომ უმრავლესობა ქრისტიანი მართლმადიდებელია და ჰგონია, რომ მრევლის ხარჯზე ხმებს მოიმატებს.
„ტერიტორიულ მთლიანობას რაც შეეხება, ეს აბსოლუტური აბსურდია, რადგან 2016 წელს „ოცნებამ” საკონსტუტუციო უმრავლესობა მოიპოვა, მაგრამ რა ნაბიჯები გადაიდგა ამასთან დაკავშირებით? ეს ძირითადად პროპაგანდაა, ახლა მოსახლეობაზეა დამოკიდებული რამდენად დაიჯერებს”,- განაცხადა ნიკა ჩიტაძემ „რეზონანსთან”.
წყარო: რეზონანსი
