როგორც ცნობილია, საქართველოში მოსახლეობის საყოველთაო აღწერა მიმდინარეობს. ამჯერად, პროცესი დასრულებული არ არის და მოსახლეობის და სასოფლო- სამეურნეო აღწერის ფარგლებში საველე სამუშაოების ვადა, წლის ბოლომდე გადაიწია.
რა ხდება გურიაში ამ მხრივ?
_ჯერჯერობით, აღწერა არ არის დასრულებული. დასკვნით ფაზაშია. მონაცემების შეგროვება როგორც კარდაკარის, ისე თვითრეგისტრაციის მეთოდით, 31 დეკემბრამდე გაგრძელდება, რადგან სხვადასხვა მიზეზების გამო, მთლიანად დასრულება ვერ მოხერხდა. აღწერა გაგრძელდება თვის ბოლომდე. ოზურგეთში, ძირითადად დასრულებისკენაა პროცესი. 23 დეკემბრამდე ხდებოდა თვითრეგისტრაცია. ახლა, როგორც გითხარით დასკვნითი ფაზაა, – გვითხრა გურიის სტატისტიკის ბიუროს ხელმძღვანელმა ბადრი რამიშვილმა.
ახლახან, აღწერის დასკვნითი ფაზის შესახებ, ბრიფინგი ჩაატარა საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ.
_მიმდინარე წლის 14 ნოემბრიდან საქართველოში ხდება მოსახლეობის და სასოფლო სამეურნეო აღწერა. აღწერის ფარგლებში სამ მილიონზე მეტი მოქალაქეა გამოკითხული. თუმცა, პროცესი აქტიურად მიმდინარეობს და კიდევ სჭირდება რამდენიმე დღე. ამიტომ მივიღეთ გადაწყვეტილება, რადგან მოსახლეობის ზოგ რეგიონში მოსულმა უხვმა ნალექმა შეაფერხა მონაცემთა შეგროვების პროცესი ამიტომ უნდა ავამოქმედოთ თვითრეგისტრაციის პორტალიც, რომ ადამიანებმა შინ, დამოუკიდებლად მოახდინონ რეგისტრაცია. პროცესი 31 დეკემბრამდე გაგრძელდება _ თქვა თოდრაძემ.
მან ასევე აღნიშნა, რომ დამაბრკოლებელი გარემოება იყო ის ფაქტორიც, რომ დედაქალაქში მოსახლეობის წარმომადგენლები რეგისტრატორებს კარს არ უღებდნენ.
რახდებოდა და ხდება გურიაში საყოველთაო აღწერის პროცესში, როცა მიწის უფასო რეგისტრაციაც ხდება და სხვადასხვა მოვლენებსაც აქვს ადგილი, ვრცლად მალე გიამბობთ.
ავტორი
