პოლიტიკოსი ირაკლი მელაშვილი სოციალურ ქსელში შემდეგ პოსტს აქვეყნებს:
“ტრამპის გამოსვლა დავოსის ფორუმზე, რა თქმა უნდა, საინტერესო იყო. ნუ, მისი სტილი უცვლელია. მე; მე მე- ნამეტნავად უყვარს საკუთარი თავი.
ჩემთვის ყველაზე აქტუალური იყო ამ ტრიბუნის გამოყენებით ტრამპის მიმართვა საუდიის არაბეთისადმი. ძალიან იმპერატიულად -” დაუწიეთ ნავთობზე ფასი და ეს დამთავრებს ომს უკრაინაში. მე გაოცებული ვარ, ეს აქამდე უნდა გაგეკეთებინათ”.
მოკლედ, დაადგა დონალდი რონალდის გზას. ვინც არ იცის ეს ისტორია, სსრკ-ს შემოსავლის ყველაზე დიდი წყარო ნავთობი იყო. გასული საუკუნის 80-იან წლების დასაწყისში აშშ-ს პრეზიდენტმა რეიგანმა ცენტრალური სადაზვერვო სამმმართველოს უფროსს, ამერიკელების “სახენაიარევ კაცს”, უილიამ კეისის დაავალა ნავთობზე ფასების დაგდებაზე მოლაპარაკებოდა მსოფლიო ბაზარზე მის ყველაზე დიდ ექსპორტიორს, საუდიის არაბეთს. (მეორე ვერსიით ეს იდეა თავად კეისის ეკუთვნოდა) კეისი რამდენიმე თვე დაფრინავდა არაბეთში. თვეში ერთი დღე ისვენებდა., დღე ღამეში სამი -ოთხი საათი ეძინა. საუდიტმა პრინცებმა უეცრად გაიგეს, რომ სსრკ ამზადებდა თავის ტერიტორიაზე არაბ სოციალისტებს, რომელთა მიზანი იყო იყო საუდიტების მმართველობის დამხობა. ორმუზის ყურეში რამდენიმე თავდასხმა მოხდა ნავთობის ტანკერებზე. (ახლა ამას ხუსიტები შვებიან და მათ უკან მაშინდელივით რუსეთი და ირანი დგას) სხვათა შორის ამ მოვლენებამდე ცოტა ხნით ადრე, 1979 წელს, ათასამდე ტერორისტმა, რომლებიც ითხოვდნენ საუდიტების დინასტიის გადადგომას, მექაც კი ჩაიგდეს ხელში, რომელიც მერე ფრანგულმა სპეცრაზმმა გაათავისუფლა.
მოკლედ, კეისიმ დაარწმუნა საუდიტი მმართველები, რომ სსრკ ებრძოდა მათ დინასტიას. აქედან სათავეს იღებს ორი მოვლენა, რომლებიც გადამწყვეტ გავლენას მოახდენენენ სსრკ-ს დაშლაზე. პირველი, ეს იყო საუდიტების მიერ მსოფლიო ბაზარზე იაფი ნავთობის გამოტანა, რამაც ნავთობზე ფასების ჩამოშლა გამოიწვია. ამან სსრკ-ს შემოსავლები მნიშვნელოვნად შეამცირა. მეორე, ეს იყო საუდიტების მიერ ავღანელი მუჯაჰედების დაფინასების დაწყება, რამაც სსრკ ავღანეთში მისთვის უმძიმეს ომში ჩატოვა, ამან აიძულა სსრკ ეკონომიკა მნიშვნელოვან წილად სამხედრო რელსებზე გადაეყვანა და ზოგადად, საბჭოთა კავშირის ხარჯები მკვეთრად გაიზარდა. ამ ორი ფაქტორის ერთობლიობამ სსრკ 80-იანი წლების ბოლოს ფაქტობრივად თიხის ფეხებზე მდგარ გაკოტრებული გოლიათად აქცია.
დღევანდელობას რომ დავუბრუნდეთ, რუსეთი ომში უკვე არის და ბევრად მძიმეში, ვიდრე ავღანეთში იყო გასული საუკუნი 80-იან წლებში. ახლაც, ისევე როგორც 45 წლის წინ, როცა ავღანეთში შეიჭრა, რუსეთი არის აგრესორის და ცივილიზებული მსოფლიოს სიმპატია (ნუ ამათში, როგორც ჩანს, ქოცები და მათი მომხრეები არ შედიან ) ახლაც იმ ქვეყნის მხარეზეა, რომელსაც რუსები დაესხნენ თავს. უკრაინას, დასავლეთი იმაზე მეტად ეხმარება, ვიდრე მუჯაჰედებს ეხმარებოდნენ საუდიტები., შესაბამისად, რუსეთი ამ ომში კიდევ უფრო მეტად გაიჭედა, ვიდრე ავღანეთში. რუსეთის რესურსები ახლოსაც ვერ მივა სსრკ-სთან. ახლა ტრამპი იწყებს გადამწყვეტი ნაბიჯის გადადგმას, თუ მან ნავთობზე ფასები დააგდო, სსრკ- ს 80-იან წლების ეკონომიკური კრიზისი რუსებისთვის საოცნებო იქნება. დიდი ეჭვი მაქვს, რომ ისტორია ამ შემთხვევაშიც განმეორდება. ბევრი რამე მიდის ამისკენ”,_ წერს ირაკლი მელაშვილი.
