მას შემდეგ, რაც პრეზიდენტი ვოლოდიმირ ზელენსკი გამორიცხა რუსეთთან ომის დასრულების შესახებ პირველი მოლაპარაკებებიდან, აშშ-ს პრეზიდენტმა დონალდ ტრამპმა დაადანაშაულა უკრაინის პრეზიდენტი კონფლიქტის დაწყებაში, რითაც, მისი თქმით, ზელენსკიმ “გაანადგურა საკუთარი ქვეყანა და დაღუპა ათასობით ადამიანი”, _ იუწყება CNN.
უკრაინის ლიდერის მიმართ მტრულ კომენტარებში, ტრამპმა გაიმეორა ვლადიმერ პუტინის თეზისები, რომ უკრაინაში არჩევნების დროა, რაც აშკარად იმის მცდელობაა, დაიწყოს ზელენსკის განდევნის პროცესი.
აშშ-ის პრეზიდენტის ახალი კომენტარები ევროპაში შეშფოთებას მორიგ ტალღას გამოიწვევს _ როგორც ცნობილია, აშშ-რუსეთის მოლაპარაკებებში არც ევროპა მიიწვიეს. ევროპა ფიქრობს, რომ ტრამპი შეეცდება, აიძულოს უკრაინა დადოს სამშვიდობო შეთანხმება, რომელიც სარგებელს მოუტანს მის მეგობარს კრემლში.
ტრამპის შენიშვნები პირდაპირ ეწინააღმდეგება რუსეთის დელეგაციასთან შეხვედრის შემდეგ მისივე სახელმწიფო მდივნის მარკო რუბიოს გარანტიებს იმის შესახებ, რომ ნებისმიერი სამშვიდობო შეთანხმება სამართლიანი იქნება ყველა მხარისთვის.
ტრამპის თავდასხმები ზელენსკიზე, რომელსაც შეერთებულ შტატებში გმირად აღიქვამდნენ რუსეთის ბლიცკრიგისთვის წინააღმდეგობის გაწევის გამო, ნათელი ნიშანია იმისა, თუ როგორ შეცვალა ამერიკის ახალმა ადმინისტრაციამ ვაშინგტონის პოზიცია რუსეთის აგრესიის მსხვერპლის მხარდაჭერიდან აგრესორის დაჯილდოებამდე.
„ჩვენ დიდი ხანის არ გვქონია არჩევნები უკრაინაში, სადაც საომარი მდგომარეობა“, _ განუცხადა ტრამპმა ჟურნალისტებს და აღნიშნა, რომ ზელენსკის რეიტინგი მხოლოდ „4%-ზე“ და „ჩვენ გვაქვს ქვეყანა, რომელიც დამსხვრეულია“.
სანდო გამოკითხვების ჩატარება საომარ ზონაში ძალიან რთულია. ბოლოდროინდელმა გამოკითხვებმა მართალაც აჩვენა, რომ ზელენსკის პოპულარობა დაეცა ომის დაწყების დროინდელ რეიტინგთან შედარებით, თუმცა, ის ახლოსაც არ არის იმ ციფრთან, რასაც ტრამპი ასახელებს, _ წერს CNN.
