2023 წელს დაანონსებული 8 სოფლის საბავშვო ბაღიდან ჩოხატაურის მუნიციპალიტეტში ჯერ აშენებული არცერთი არ არის.
კომპანიას, რომელთანაც ხელშეკრულება მუნიციპალური განვითარების ფონდმა 2023 წლის 10 მაისს გააფორმა და სოფელ გუთურში, გოგოლესუბანში, ზომლეთსა და შუა ამაღლებაში 50 ბავშვზე გათვლილი საბავშვო ბაღის პროექტირება/მშენებლობა უნდა გაეხორციელებინა, ხელშეკრულება მიმდინარე წლის თებერვალში ცალმხრივად შეუწყვიტეს.
როგორც მუნიციპალური განვითარების ფონდის გვერდზე 17 თებერვლით დათარიღებულ კომპანისადმი მიწერილ წერილში ვკითხულობთ, სამშენებლო ობიექტები თვეებია გაჩერებულია, ხოლო შპს “ლაგი კაპიტალს” ხელშეკრულების შეწყვეტამდეც არაერთი გაფრთხილება აქვს მიღებული.
“როგორც თქვენთვის ცნობილია, 2023 წლის 10 მაისს გაფორმდა №GOG/ET/CW/707 ხელშეკრულება სსიპ „საქართველოს მუნიციპალური განვითარების ფონდ“- სა და შპს „ლაგი კაპიტალ“-ს შორის, რათა
განხორციელებულიყო ჩოხატაურის მუნიციპალიტეტში სოფელ გუთურში, სოფელ გოგოლესუბანში, სოფელ ზომლეთსა და სოფელ შუა ამაღლებაში 50 ბავშვზე გათვლილი საბავშვო ბაღის
პროექტირება/მშენებლობა. მოგახსენებთ, რომ საპროექტო სახარჯთაღრიცხვო დოკუმენტაციის მოსამზადებლად ხელშეკრულების და ტექნიკური დავალების შესაბამისად ჰქონდათ სამი თვე, ხოლო
სამშენებლო სამუშაოების შესასრულებლად 11 თვე, რომელიც ამოიწურა 2024 წლის 10 ივლისს და დღემდე მხოლოდ მიწის სამუშაოების მოწყობის ეტაპზეა, ობიექტები თვეებია გაჩერებული.
მოგახსენებთ, რომ სსიპ „საქართველოს მუნიციპალური განვითარების ფონდის“ (წერილი: N 1975-გ, 09.08.2024წ.) და შპს სამეცნიერო საპროექტო ტექნოლოგიური საწარმო “ინდუსტრიის” (წერილები: N
09.02.2024-1-1, 09.02.2024 წ; N 12.06.2024-1-3, 12.06.2024 წ; N:31.10.2024-1-7, 31.10.2024 წ; N16.01.2025-1-2 16.01.2025წ; N 80-მ 15.01.2025წ; N.:27.01.2025-1-2 27.01.2025წ; და ა.შ.) მხრიდან არაერთხელ იყავით,
როგორც სიტყვიერად ასევე წერილობით გაფრთხილებულები, სამუშაოების აქტიურად წარმოებაზე, თუმცა უშედეგოდ, რადგან დღემდე დაკეტილია ყველა ზემოხსენებული ობიექტი და არანაირი
სამშნებლო სამუშაოები საპროექტო ტერიტორიაზე არ მიმდინარეობს.
აქვე შეგახსენებთ, რომ №GOG/ET/CW/707 ხელშეკრულების შესაბამისად სამშენებლო სამუშაოების ვადად განსაზღვრული იყო 2024 წლის 10 ივლისი და დღემდე იმყოფებით ჯარიმაზე.
ყოველივე ზემოაღნიშნულის საფუძველზე, წინამდებარე შეტყობინებით, ხელშეკრულების პირობების თანახმად, სსიპ „საქართველოს მუნიციპალური განვითარების ფონდი“ 2025 წლის 17
თებერვლიდან წყვეტს ხელშეკრულებას (№GOG/ET/CW/707).
გაცნობებთ, რომ ხელშეკრულების შეწყვეტა არ ათავისუფლებს მიმწოდებელს რაიმე ქმედების განხორციელების, თანხების გადახდის ან/და ხელშეკრულების შეწყვეტის შემდგომ შესასრულებელი 17 თებერვალი 2025
MRDI-MDF N 322-გ რაიმე სხვა ვალდებულებებისაგან, რომლებიც გათვალისწინებულია ხელშეკრულებითა და მოქმედი კანონმდებლობით.
ასევე, ხელშეკრულების შეწყვეტა არ ზღუდავს დამკვეთის რაიმე უფლებას მიმწოდებელს დააკისროს ჯარიმა, მოითხოვოს თანხა, პირგასამტეხლო ან/და აინაზღაუროს მიღებული ნებისმიერი ზიანი, ზარალი
ან სხვა ხარჯი. აღნიშნულთან დაკავშირებით, გთხოვთ დაუყოვნებლივ უზრუნველყოთ ტერიტორიიდან თქვენი ქონების (ასეთის არსებობის შემთხვევაში) გატანა და გამოყოთ თქვენი უფლებამოსილი წარმომადგენელი, რათა ხელი შეუწყოთ პროექტის ზედამხედველს იმოქმედოს ხელშეკრულების შესაბამისად და განახორციელოთ შეწყვეტის შემდგომი ყველა სხვა აუცილებელი ქმედება, რომლებიც
გათვალისწინებულია ხელშეკრულებით და მოქმედი კანონმდებლობით”,_ ნათქვამია წერილში, რომელსაც ხელს მუნიციპალური განვითარების ფონდის აღმასრულებელი დირექტორის პირველი მოადგილე გიორგი ციბაძე აწერს.
ბაღების მშენებლობასთან დაკავშირებით მუნიციპალური განვითარების ფონდმა ახალი ელექტრონული ტენდერი აუქციონის გარეშე 31 მარტს გამოაცხადა.
შესყიდვის სავარაუდო ღირებულება 5 129 492 ლარია და განცხადებები 11 აპრილის ჩათვლით მიიღება. 3 აპრილის დილის მდგომარეობით, Design-Build მეთოდით, ჩოხატაურის მუნიციპალიტეტში, 50 ბავშვზე გათვლილი ოთხი საბავშვო ბაღის მშენებლობისათვის არსებული საპროექტო დოკუმენტაციის კორექტირების (საჭიროებისამებრ) და მის საფუძველზე სამშენებლო სამუშაოების შესრულების სახელმწიფო შესყიდვას არცერთი შეთავაზება არ აქვს.
რაც შეეხება დანარჩენ 4 საბავშვო ბაღს, რომელიც პრემიერ-მინისტრის მიერ 2023 წელს ინიცირებული პროგრამით ახალი ბაღების აშენებას ითვალისწინებს, როგორც ჩოხატაურის მუნიციპალიტეტის მერიაში გვითხრეს, ბაღები აშენდება იანეულში, ქვენობანში, დაბლაციხესა და გორაბერეჟოულში უნდა მოხდეს, თუმცა ჯერჯერობით როგორც მუნიციპალური განვითარების ფონდში ამბობენ, ტენდერი გამოცხადებული არ არის.
აქვე, ინფორმაციისთვის, დიდთოვლობის შედეგად იანეულის საბავშვო ბაღის სახურავი დაზიანდა, რის გამოც, აღსაზრდელები მეზობელი სოფლის, ბუკისციხის საბავშვო ბაღში გადაიყვანეს და ბაღი დროებით დახურეს.
ამას გარდა, ტენდერების გვერდიდან ირკვევა რომ, ერთი ხელშეკრულების ფარგლებში, Design-Build მეთოდით, ჩოხატაურის მუნიციპალიტეტში ჩოხატაურის №1 საბავშვო ბაღის და ჩოხატაურის №1 ბაგა-ბაღის რეკონსტრუქცია-რეაბილიტაციისთვის დეტალური პროექტის მომზადების და მის საფუძველზე შესაბამისი სამუშაოების შესრულების სახელმწიფო შესყიდვაზე მუნიციპალური განვითარების ფონდს ტენდერი აქვს გამოცხადებული, თუმცა, ტენდერს, რომელზეც წინადადებების მიღების ვადა 1 აპრილს დაიწყო და განაცხადების მიღების ვადა 4 აპრილს იწურება, 3 აპრილის მდგომარეობით, შეთავაზებები ჯერ არ აქვს.
