დღეს ჩოხატაურის მუნიციპალიტეტში საქართველოს დამოუკიდებლობის დღისადმი მიძღვნილი არაერთი ღონისძიება გაიმართა.
“რას ნიშნავს 26 მაისი თქვენთვის”- “გურია ნიუსმა” ჩოხატაურის ქუჩებში მყოფი მოქალაქეები გამოკითხა.
“დღეს, საქართველოს დამოუკიდებლობის დღეა. ჩემი აზრით, ეს არის ყველაზე დიდი დღე ქართველებისთვის”,_ ამბობს ევგენი ბარამიძე.
“ჩემი აზრით, 26 მაისი დიდი დღეა ნებისმიერი ქართველისთვის და თავს უფლებას ვერ მივცემდი, რომ დღეს აქ არ ვყოფილიყავი. ერთნაირი სულისკვეთება უნდა ჰქონდეს ყველა ქართველს და ვისურვებდი, რომ ერთიან, ძლიერ და ღირსეულ საქართველოში ვიცხოვროთ. ძალიან მნიშვნელოვანია, რომ მთელი მსოფლიოსთვის მისაღები ქვეყანა ვიყოთ. მომწონს ახალგაზრდების სულისკვეთება და იმედი მაქვს, ახალი თაობა ღირსეულად გააგრძელებს წინაპრების დაწყებულ საქმეს”,_ გვითხრა ლელა დოლიძემ.
“დღეს საქართველოს დამოუკიდებლობის დღეა. ჯერჯერობით დამოუკიდებლები ვართ და იმედი მაქვს, რომ სულ ასე იქნება და ღირსეულ სამშობლოში ვიცხოვრებთ”,_ გვითხრა კიდევ ერთმა რესპონდენტმა, რომელმაც საკუთარი ვინაობის გამხელისგან თავი შეიკავა.
“ეს დღე ჩემთვის საქართველოს დამოუკიდებლობის დღეა”,_ გვითხრა ლაშა დოლიძემ.
ინფორმაციისთვის, დღეს საქართველოს დამოუკიდებლობის დღიდან 107 წელი აღინიშნება.
