BBC – ის ინფორმაციით, არქეოლოგები ამბობენ, რომ არსებობს ახალი მტკიცებულებები მიუთითებს, რომლის მიხედვითაც, ადამიანები პომპეის ნანგრევებში დაბრუნდნენ საცხოვრებლად მას შემდეგ, რაც ძველი რომაული ქალაქი ვულკანის ამოფრქვევით განადგურდა.
არქეოლოგები თვლიან, რომ ზოგიერთი გადარჩენილი, რომელსაც სხვაგან ახალი ცხოვრების დაწყება არ შეეძლო, ამ ადგილას დაბრუნდა და შესაძლოა, მათ შეუერთდნენ სხვები, რომლებიც დასახლების ადგილს ეძებდნენ.
პომპეი 20 000-ზე მეტი ადამიანის სახლი იყო, სანამ ვეზუვი 79 წელს ამოიფრქვებოდა, რამაც ქალაქის დიდი ნაწილი დამარხა და შემოინახა, სანამ მე-16 საუკუნეში ხელახლა არ აღმოაჩენდნენ.
ადრე არსებობდა ვარაუდი, რომ გადარჩენილები ნანგრევებში დაბრუნდნენ და ადგილზე მყოფმა არქეოლოგებმა ოთხშაბათს გავრცელებულ განცხადებაში განაცხადეს, რომ ეს თეორია, როგორც ჩანს, ახალი კვლევით დადასტურდა.
„ახალი გათხრების წყალობით, სურათი ახლა უფრო ნათელია: 79 წლის შემდეგ პომპეი ხელახლა ჩნდება, ერთგვარი ბანაკი, ფაველა პომპეის ჯერ კიდევ ამოსაცნობ ნანგრევებს შორის“, – განაცხადა ძეგლის დაცვის დირექტორმა, გაბრიელ ზუხტრიგელმა.
არქეოლოგების თქმით, არაფორმალური დასახლება მე-5 საუკუნემდე გაგრძელდა.
“მტკიცებულებები მიუთითებს, რომ ადამიანები ცხოვრობდნენ რომაული ქალაქისთვის დამახასიათებელი ინფრასტრუქტურისა და მომსახურების გარეშე და რომ ნანგრევები ძვირფასი ნივთების პოვნის შესაძლებლობას იძლეოდა”,_ განაცხადეს მკვლევარებმა.
ვარაუდობენ, რომ ადამიანები ცხოვრობდნენ სახლების ზედა სართულებზე, რომლებიც ფერფლის ზემოთ იყო, ხოლო ქვედა სართულები სარდაფებად იყო გადაკეთებული.
ზუხტრიგელის თქმით, ქალაქის განადგურებამ „მონოპოლიზაცია მოახდინა მეხსიერებაში“, და პომპეის კარგად შემონახული არტეფაქტებისკენ სწრაფვისას, „ადგილის ხელახალი დასახლების სუსტი კვალი ფაქტიურად წაშლილია და ხშირად ყოველგვარი დოკუმენტაციის გარეშეც კი გაქრა“.
ადგილი ამჟამად მსოფლიოში ცნობილი ტურისტული ღირსშესანიშნაობაა და რომაული ცხოვრების ხედს გვთავაზობს.
