27 აგვისტოს, ოზურგეთის მუნიციპალიტეტის საკრებულოს მორიგი სხდომა შედგა.
დღის წესრიგის პირველი საკითხი: “ქალაქ ოზურგეთში, შოთა რუსთველის ქუჩის დასაწყისში, პოეტის ბიუსტის განთავსების თაობაზე“, განკარგულების მიღების შესახებ, საკრებულოს წევრმა ბექა თოიძემ ისაუბრა.
საკითხის გამოტანას, წინ უძღოდა პროცესები. კერძოდ:
ოზურგეთის მუნიციპალიტეტის საკრებულოს სივრცით-ტერიტორიული დაგეგმარების და ინფრასტრუქტურის კომისიის სამუშაო ჯგუფმა განიხილა საქართველოს კულტურის სამინისტროს წერილი, ოზურგეთში შოთა რუსთველის ბიუსტის განთავსების შესახებ.
ეს ინიციატივა საქართველოს შოთა რუსთველის საზოგადოებას ეკუთვნის.
“ოზურგეთში რუსთველის ბიუსტის განთავსება, მისივე სახელობის ქუჩის დასაწყისში ძალიან სასიხარულოა. ქართველთა უპირველესი პოეტის და გიგანტი მოაზროვნის ქუჩას ნამდვილად უნდა ამშვენებდეს მისი ბიუსტი“, _ აღნიშნავდნენ საკრებულოს სხდომის მონაწილეები.
როგორც აქ განმარტეს, დადგენილება ძალაშია ხელმოწერისთანავე.
დღის წესრიგის მეორე საკითხზე _ “ოზურგეთის მუნიციპალიტეტის 2025 წლის ბიუჯეტის მეორე კვარტლის შესრულების ანგარიშის მიმოხილვის შესახებ, საფინანსო საბიუჯეტო სამსახურის უფროსმა, პავლე ჭყონიამ ისაუბრა:
“საქართველოს მთავრობის 2024 წლის 31დეკემბრის განკარგულებით, საქართველოს რეგიონებში გასახორციელებელი პროექტების ფონდიდან, ოზურგეთის მუნიციპალიტეტს ათი მილიონ 926 770 ლარი გამოეყო, ინფრასტრუქტურული ღონისძიებებისთვის.
ბიუჯეტის დაზუსტების გათვალისწინებით, შემოსავლების გაზრდის, ასევე, გადასახდელების გაზრდის შემდგომ, ბიუჯეტის დაზუსტების გათვალისწინებით, ოზურგეთის მუნიციპალიტეტის 2025 წლის ბიუჯეტი, 1 ივლისისთვის განისაზღვრა 54326, 8 ათასი ლარით. ოზურგეთის მუნიციპალიტეტის მეორე კვარტლის ბიუჯეტის ეს შემოსულობები, გარდამავალი ნაშთების გარეშეა ამ რაოდენობის. ეს კი წლიური გეგმის 65,68%-ია. წინა წლის ანალოგიური პერიოდის შემოსავლებთან შედარებით, შემოსულია 3401,5 ათასი ლარით მეტი“, _ თქვა პავლე ჭყონიამ.
მან დაწვრილებით ისაუბრა 2025 წლის მეორე კვარტლის შემოსავლებზე, ქონების, დღგ-ს გადასახადის გეგმაზე, ასევე, შემოსავლები მიწის იჯარიდან თუ მოსაკრებლის, ჯარიმების, არასაბაზროდ გაყიდული საქონლის, შერეული და და სხვა არაკლასიფიცირებული შემოსავლებიდან.
აღსანიშნავია, რომ ჯარიმებიდან, სანქციებიდან და საურავებიდან, წლიური გეგმა 2400,0 ათასი ლარია და შემოსულია 1033,1 ათასი ლარი. შესრულებულია 43,05 პროცენტით.
ჭყონიამ, ასევე, თქვა, რომ 2025 წლის 1 ივლისის მდგომარეობით, ტრანსფერის სახით მიღებულია ფინანსური დახმარება 12 707,5 ათასი ლარი, საიდანაც სტიქიის ზარალის ასანაზღაურებლად 2 511,4 ათასი ლარია, ინფრასტრუქტურული განვითარებისა და სხვა მიმდინარე ღონისძიებებისთვის 515,3 ათასი ლარი. ხოლო ოზურგეთის მუნიციპალიტეტის 2025 წლის ბიუჯეტით გადასახდელების დაზუსტებული გეგმა შეადგენს 54 326,8 ათას ლარს, რაც წლიური გეგმის 65,17%-ია.
სარეზერვო ხარჯებს რაც შეეხება, სააფთიაქო მედიკამენტების შესაძენად, სხვადასხვა სამედიცინო დაწესებულებებში მკურნალობის ხარჯების დასაფინანსებლად, სარიტუალო ხარჯებისთვის გაწეული დახმარებების ჩათვლით, შეადგინა 70 ათას 805 ლარი.
რაც შეეხება ინფრასტრუქტურის, სივრცითი მოწყობის და ტრანსპორტის სამსახურის 2025 წლის მეორე კვარტლის ანგარიშს, წერილობითი ფორმით ვრცლად იყო წარმოდგენლი საკრებულოს წევრებისთვის განკუთვნილ ბეჭდურ ფორმატში.
უფრო ვრცლად კი ის სხდომამდე, კომისიაზე განიხილეს.
საკრებულოს სხდომაზე კი ამავე კომისიის თავმჯდომარემ, საკრებულოს წევრმა გელა ჩავლეშვილმა კიდევ ერთხელ ისაუბრა _ მან თქვა, რომ 2025 წლის მეორე კვარტლის ბიუჯეტის შესრულების ანგარიში განიხილეს 26 აგვისტოს საფინანსო-საბიუჯეტო კომისიის სხდომაზე:
“აქ ითქვა, რომ მთავრობის მიერ ინფრასტრუქტურული ღონისძიებებისთვის გამოყოფილი ათი მილიონ 926,8 ათასი ლარის გათვალისწინებით, მუნიციპალიტეტის ბიუჯეტი განისაზღვრა 54 326,8 ათასი ლარით. მეორე კვარტლის შემოსულობებმა კი გარდამავალი ნაშთის გარეშე 35 683,5 ლარი შეადგინა. ფაქტიურმა საკასო ხარჯებმა კი 35405,5 ათასი ლარი, რაც წლიური გეგმის 65,2%-ია“.
გელა ჩავლეშვილმა, ასევე, დეტალურად ისაუბრა სარეზერვო ფონდის ხარჯვის შესახებ, რამაც აღნიშნულ პერიოდში 70,8 ათასი ლარი შეადგინა:
“საბოლოოდ კი, კომისიის სხდომამ მთლიანად მიზანშეწონილად მიიჩნია, ოზურგეთის მუნიციპალიტეტის 2025 წლის მეორე კვარტლის ბიუჯეტის შესრულების ანგარიში წარედგინოს საკრებულოს განხილვისა და შესაბამისი გადაწყვეტილების მიღების მიზნით, რაც წარმატებით გახორციელდა დღეს“, _ თქვა მან.
ჩავლეშვილმა, ასევე, მოიწონა ის ფაქტი, რომ ეს გადაწყვეტილება შენიშვნის გარეშე იქნა მიღებული.
27 აგვისტოს საკრებულოს სხდომაზე, დამატებით სხვადასხვა საკითხით თუ განცხადებით არავის მიუმართავს.
საბოლოოდ, სხდომაზე მიიღეს გადაწყვეტილება: “ქალაქ ოზურგეთში, შოთა რუსთველის ქუჩის დასაწყისში, განთავსდეს შოთა რუსთველის ბიუსტი, შეთანხმებული ბიუსტის პროექტის შესაბამისად. ოზურგეთის მუნიციპალიტეტის მერიამ კი, განკარგულების შესრულების მიზნით, განახორციელოს შესაბამისი ორგანიზაციულ–სამართლებრივი ღონისძიებები“, _ ნათქვამია განკარგულებაში, რომლის მიღებას საკრებულოს შემადგენლობამ ერთხმად დაუჭირა მხარი.
საკრებულოს წევრებმა, ასევე, მოისმინეს მუნიციპალიტეტის 2025 წლის ბიუჯეტის II კვარტლის შესრულების ანგარიში და ცნობად მიიღეს.
ავტორი
