მზია ამაღლობელის პროცესზე ჟურნალისტებს არ უშვებენ

ამ წუთებში ქალაქ ქუთაისის სააპელაციო სასამართლოში “ბათუმელების” და “ნეტგაზეთის” დამფუძნებლის მზია ამაღლობელის სასამართლო პროცესი იწყება.

ონლაინ გამოცემა “სამხრეთის კარიბჭეს” ინფორმაციით, პროცესზე ჟურნალისტებს არ უშვებენ _ მანდატურებმა ქუთაისის სააპელაციო სასამართლოს ჭიშკარი ჩაკეტეს და ჟურნალისტები ამაოდ ითხოვენ პროცესზე დასწრებას.

ვრცელდება ინფორმაცია, რომ იმ დარბაზში, სადაც მზია ამაღლობელის პროცესი უნდა გაიმართოს,  მხოლოდ 25 ადამიანის ეტევა.

ფოტო: “სამხრეთის კარიბჭე”