ზამთრის დადგომისას ორგანიზმი სითბოს შესანარჩუნებლად ბევრ ენერგიას ხარჯავს, ამიტომ შიმშილის გრძნობა უფრო ხშირია, ვიდრე ზაფხულში.
თუმცა ზამთრის გადატანა ზემდეტი წონის გარეშე შესაძლებელია, თუ მარტივ წესებს გაითვალისწინებთ.
ნაცვლად ნახშირწყლებისა, იზრუნეთ იმაზე, რომ საუზმე საკმარისად შეიცავდეს ცილებს. მეცნიერებმა დაამტკიცეს, რომ ვინც პირველ კვებაზე საკმარისი რაოდენობის პროტეინებს იღებს, მადას უფრო მარტივად აკონტროლებს და დღის განმავლობაში ნაკლებს ჭამს.
გავრცელებული აზრის თანახმად ყველა დაავადება სტრესიდან მოდის. წონაში მატებაც, შესაძლოა ზედმეტი შფოთვის შედეგი იყოს. კორტიზოლი ხომ სტრესის ჰორმონია, გავლენას ახდენს კუნთების დარღვევაზე და აძლიერებს მადიანობას. ამიტომ სიმშვიდე, მხოლოდ და მხოლოდ სიმშვიდე.
მეცნიერული მონაცემები ამტკიცებს, რომ კალორიების რაოდენობის შეზღუდვას წონის ხანგრძლივი კლება არ მოაქვს. პირიქით, ორგანიზმი განიცდის სტრესს, ამიტომ იზრდება კორტიზოლის დონე და სუქდებით. კალორიების დათვლის ნაცვლად, უმჯობესია ყურადღება მიაქციოთ პროდუქტის სარგებლიანობასა და ხარისხს.
ნაწლავის სასარგებლო ბაქტერიები კუჭის მიკროფლორის ბალანსს ინარჩუნებენ. მათგან პირდაპირ გამომდინარეობს თვითშეგრძნება, პროდუქტის გათავისება და თქვენი წონა. კონსულტაცია გაიარეთ თქვენს ექიმთან, შესაძლოა დამატებით პრებიოტიკებისა და პრობიოტიკების მიღება დაგჭირდეთ.
რამდენად ბანალურადაც არ უნდა ჟღერდეს, ვერანაირი სწორი კვება ვერ დაგეხმარებათ, თუ თქვენი ფიზიკური აქტივობა ნულის ტოლია. მთავარია გამოყოთ სპორტული სახეობა. არ მოგწონთ სპორტ-დარბაზში ჰანტელების ჭერა?! – ჩაეწერეთ ცეკვებზე ან იოგაზე.
