საქართველოს უნივერსიტეტის სტუდენტური ჰაკათონი

ბიზნესს ანალიტიკისა და  ტექნოლოგიური მეცნიერებების პროგრამის სტუდენტებისაგან შემდგარმა გუნდებმა ერთად იმუშავეს ბიზნესის წარმართვის პროცესში არსებულ გამოწვევებზე, პრაქტიკულად გაეცნენ Agile მუშაობის, მონაცემთა ანალიზის, პროექტების მართვისა და პრეზენტაციის წარმართვის პრაქტიკულ დეტალებს. 

ანდრეა სვანიძემ და ნია ნაკაიძემ საკუთარ გუნდებთან ერთად  წარადგინეს მენტორებისა და ჟიურის წევრების წინაშე პროექტები, რომელიც სხვადასხვა სექტორებისათვის იყო გათვლილი: განათლება, ჯანდაცვა და სატრანსპორტო სფერო.

აღსანიშნავია, რომ ჩართულ სტუდენტებს შორის იყვნენ როგორც პირველკურსელები, ასევე, დამამთავრებელი კურსის სტუდენტები, რითაც ჰაკათონის შინაარსი ზრდიდა ჩართულობის ხარისხს, პრაქტიკულ დატვირთვას და სტუდენტებისთვის პროფესიული კონტაქტების არეალს.

„სკოლაში სწავლის პერიოდში ძალიან დიდი ყურადღებით ვარჩევდი, თუ რომელი პროფესიის შესწავლა მინდოდა და რაც მთავარია, მაინტერესებდა. სწორედ მაშინ აღმოვაჩინე საქართველოს უნივერსიტეტის ბიზნესს ანალიტიკის პროგრამა, განსაკუთრებული შეთავაზებით _ ოქროსმედალოსნებისთვის  და ახლა ამ პროგრამის მესამე კურსის სტუდენტი ვარ.

აღსანიშნავია, ეს პროფესია ბიზნესის წარმართვას აკავშირებს IT მიმართულებასთან, რაც სწორედ, კარგად გაწერილი სასწავლო პროგრამის დამსახურებაა და მეტად საინტერესოს ხდის სწავლების პროცესს, რომელიც თეორიულ სწავლებასთან ერთად პრაქტიკული მოდულებით არის დატვირთული. დღევანდელი ჰაკათონიც სწავლების ერთ-ერთი კომპონენტია.

ყველაზე მეტად რაც მომწონს, სწორედ ის არის, რომ ვსწავლობთ კომუნიკაციის ხერხებსაც, ამის გამოძახილია პროექტების მართვა, რაც საშუალებას გაძლევს პროფესიულ საქმიანობაში მეტად მოქნილი გახდე და უნივერსიტეტის დასრულების შემდეგ რეალურ, სამუშაო  გარემოში ადაპტაციის დრო მინიმუმამდე დაიყვანო“, _ გვიზიარებს ოქროსმედალოსანი, ნატანების საჯარო სკოლის კურსდამთავრებული ნია ნაკაიძე. 

სტუდენტური ჰაკათონი აერთიანებდა ორი პროგრამის სტუდენტებს _ ბიზნესს ანალიტიკა და IT. მათ შორის იყვნენ პირველკურსელებიც, რომელთათვისაც სწავლის დაწყებისთანავე გახდა შესაძლებელი პრაქტიკულ სამუშაოებში ჩართვა.

ბიზნესს ანალიტიკოსებისთვის მნიშვნელოვანია, რომ მუდმივ დამაკავშირებელ რგოლად მუშაობდნენ ბიზნესსა და IT სფეროს შორის, ერთის მხრივ ტექნიკური თვალსაზრისით და რაც მთავარია კომუნიკაციის გასამარტივებლად. ამასთან, სტუდენტები სწავლობენ პროექტის სრულყოფილ მართვას, რათა ავტორსა და შემქმნელს შორის დამყარდეს სინქრონული სამუშაო პროცესი.

ქ. თბილისის მწვანე სკოლის კურსდამთავრებული, ანდრეა სავანიძე, ბიზნესს ანალიტიკის პროგრამის პირველკურსელია, მიუხედევად იმისა, რომ სწავლა სულ რაღაც ოთხი თვის წინ დაიწყო, უკვე შეძლო ჩართულიყო ჰაკათონში, რომელიც მისი პროფესიული გამოცდილებისთვის ერთგვარი ესტაფეტაა:

„13 წლის ვიყავი, როდესაც საკუთარი ინტერნეტ გვერდის შექმნა ვცადე პირველად. სწორედ აქედან დაიწყო ჩემი ინტერესი ტექნოლოგიების მიმართ. დროთა განმავლობაში ეს ინტერესი ბიზნესის ქონის  შესაძლებლობაში გადაიზარდა და დღეს უკვე პრაქტიკულად შევუდექი ამის სწავლას.

ძალიან მნიშვნელოვანია, რომ სწავლის პროცესში AI კომპონენტია ჩართული, რაც სტუდენტებს საშუალებას გვაძლევს, სწორად გამოვიყენოთ დამხმარე საშუალება, რომლის გარეშეც ფიზიკურად ვერ დავეწევით განვითარების ტემპს.

ასევე, მინდა აღვნიშნო, რომ ჰაკათონზე ასაკობრივი ჯგუფების შერევა პროცესს მეტად ცოცხალს ხდის და საშუალება გვაქვს, პირადად მაღალკურსელი  სტუდენტებისგან, გუნდური მუშაობის პროცესში ვისწავლოთ პროფესიული დეტალები“. 

საქართველოს უნივერსიტეტის, ბიზნესის და ადმინისტრაციულ მეცნიერებათა სკოლისთვის მსგავსი პრაქტიკული დავალებები სასწავლო პროგრამის ნაწილია _ ჰაკათონზე სტუდენტები რეალურად ეცნობიან ბიზნესს ანალიტიკის ისეთ ძირეული საკითხებს, რაც თავის მხრივ სამუშაოს სპეციფიკას ცხადყოფს და საინტერესოს ხდის. სწავლობენ სამუშაო ბაზარზე არსებული Agile გამოწვვებებზე მუშაობას, როგორ ესაუბრნონ ბიზნესებს და როგორ გადმოსცენ საკუთარი ცოდნა.

სკოლა მსგავსი პროექტებით, აქტიურად უწევს პედალირებას სტუდენტებისთვის პრაქტიკული გამოცდილების დაგროვებას, რაც საბოლოო ჯამში, მათ კონკურენტუნარიანობას ზრდის დასაქმების ბაზარზე.