ავტოსაგზაო შემთხვევას ორი ადამიანის სიცოცხლე ემსხვერპლა, ორი კი დაშავდა. შემთხვევა სიღნაღის მუნიციპალიტეტის სოფელ ნუკრიანთან მოხდა. ინფორმაციას “მთავარი ამბები კახეთიდან” ავრცელებს.
არსებული ინფორმაციით, “ფორდის”სატვირთო ავტომობილზე ტვირთს ათავსებდნენ, რა დროსაც მას „მერსედესის“ სატვირთო ავტომობილი შეეჯახა.
შეჯახების შედეგად „ფორდში“ მყოფი მგზავრებიდან ორი ადამიანი გარდაიცვალა, ორი კი დაშავდა.
დაშავებულები სხეულის სხვადასხვა სახის დაზიანებებით, 112-ის ბრიგადებმა კლინიკაში გადაიყვანეს.
გარდაცვლილთაგან ერთი 50 წლამდე მამაკაცია.
შემთხვევის ადგილზე სამართალდამცველები არიან მობილიზებული.
