უკრაინაში შეჭრის გამო რუსეთს საკმაოდ ბევრი და მტკივნეული სანქცია დაუწესდა, რაც მძიმედ დაარტყამს ქვეყნის ეკონომიკას _ სწორედ ასე ახსნა ეს პროცესი ეკონომისტმა აშშ-დან მაქსიმ მირონოვმა _ იუწყება tsn.ua.
“ჩემი, როგორც პროფესიონალი ეკონომისტის, ჩიკაგოს უნივერსიტეტი დოქტორის მეცნიერული დასკვნა რუსეთის წინააღმდეგ დაწესებული სანქციების შესახებ ასეთია _ ესაა п**дец! და ორმაგი п**дец იმიტომ, რომ რუსეთის მცხოვრებლები, განათლებულებიც კი, ვერ ხვდებიან, რა ელოდებათ მათ.
ძალიან მალე რუსეთს ელოდება დეფიციტი საბაზო პროდუქტებზე _ მე არ ვლაპარაკობ აიფონებზე, რომლის იმპორტიც უკვე აიკრძალა, არამედ ვლაპარაკობ საჭმელზე, ტანსაცმელზე, ავტომანქანებზე, საყოფაცხოვრებო ტექნიკაზე და ასე შემდეგ.
თითქმის ყველა მსხვილი მწარმოებელი უარს ამბობს, რუსეთში კონტეინერები გააგზავნოს. თუკი მოხდა სასწაული და რუსეთმა ვინმე დაითანხმა საქონლის მიწოდებაზე, რით უნდა გადაუხადოს?!
საექსპორტო შემოსავლები რამდენჯერმე შემცირდება, რადგან ყველა მყიდველი უარს ამბობს რუსულ პროდუქციაზე. რუსული ნავთობის კომპანიები, რომლებსაც ჯერ კიდევ არ აქვთ სანქციები დაწესებული, კლიენტებს ვერ შოულობენ; არავინ არ იცის, როგორ მიიღებს სავალუტო შემოსავლებს გაზპრომი, რომელიც სანქცირებულია; რუსეთის ცენტრალურ ბანკს გააჩნია უზარმაზარი დანაზოგი_ 650 მილიარდი დოლარი, თუმცა, ამ დანაზოგის ნახევარზე მეტი დაპატიმრებულია. რა უნდა უქნან ოქროს დანაზოგს, ესეც გაუკვეველია _ ბანკები არ იყიდიან მას რუსეთის ცენტრალური ბანკიდან იმის შიშით, რომ თვითონაც არ მოხვდეს სანქცირებულთა სიაში.
ამბობენ, რომ რუსებმა ბოლო დროს საკმაოდ ბევრი ქარხანა ააშენეს, თუმცა, ყველა მათგანი უცხოურ კომპონენტებზეა დამოკიდებული. ასე რომ, უახლოეს თვეებში მთელი სფეროები გაჩერდება და შეიქმნება დეფიციტი, დაიწყება მასობრივი უმუშევრობა, შემცირდება გადასახადების რაოდენობა, აქედან გამომდინარე, ჩინოვნიკები ვერ მიიღებენ ხელფასს.
თვითმფრინავები რუსეთის შიგნითაც ვეღარ იფრენენ იმიტომ, რომ ისინი ყველა უცხოური წარმოებისაა და მათი ქარხნები სათადარიგო ნაწილებს ვეღამ მიიღებენ.
ინტერნეტი, როგორსაც ჩვენ მას ვიცნობთ, აღარ იარსებებს _ ამ დღეებში გამორთავენ ვიკიპედიას, უკვე ნელა მუშაობს ტვიტერი და ფეისბუქი, ცოტა ხანში გამოირთვება იუთუბი…
და რა ეშველება სოფლის მეურნეობას? იცით თუ არა, რომ რუსეთში თესლების 40 პროცენტი უცხოურია, კარტოფილის თესლის კი _ 90 პროცენტი?!
ეს კიდევ ყველაფერი არაა _ ვისაც შეეძლება ქვეყნიდან “დახვევა”, “დაახვევს”, უკვე “ახვევენ”. ხელისუფლებამ ეს იცის, ყოველგვარ ზომებს იღებს, რომ კომპიუტერის სპეციალისტები როგორმე “დაამაგრონ” სამსახურებში, ცოტა ხანში, ალბათ, საერთოდ დაკეტავენ ქვეყანას და არავის არ გაუშვებენ საზღვარგარეთ.
ამ ისტორიის ერთადერთ პლიუსს საკუთარ ტყავზე იგრძნობენ სსრკ-ზე ნოსტალგირებულები _ ეს იქნება სსრკ, რომლის სათავეში ეყოლება გიჟი დიქტატორი”, _ წერს მაქსიმ მორონოვი.
