“აბა, ნაცის მობრუნება გინდა, ბიძი?… დაილოცოს, „ქართულო ოცნებავ“, შენი სამართალი!” – ირაკლი მელაშვილი

პარალმენტის ყოფილი წევრი, ირაკლი მელაშვილი:

,,პრინციპულობის აპოთეოზი, ანუ დაილოცოს “ქართულო ოცნებავ” შენი სამართალი!

ეს კომისია მართლა იმ საქმისთვის რომ იყოს შექმნილი, რაც დასახელებაში უწერია, პირველ რიგში „ქართული ოცნების“ თვითგანწმენდით დაკავდებოდა. მაგრამ..

დღეს ადეიშვილის მარჯვენა ხელი, ამხანაგი მიქანაძე, არც მეტი არც ნაკლები, განათლების მინისტრად დაინიშნა! მთლად განათლების მინისტრად, კაცო! ჰო, ამ ახალგაზრდას შემთხვევით ე.წ. “ციხის ბუნტის“ ჩახშობასთანაც ხომ არ აქვს კავშირი? შემთხვევით ხომ არაფერი იცით ამის შესახებ, კომისია ხომ არ დაინტერესებულა? არა ხომ? კარგია.

ნაცების მმარველობის დროს ევროსტრუქტურებში პირადად ბიძინას, მთელი ოპოზიციის და სამართლიანი არჩევნების ჩატარებისთვის მებრძოლი ყველა სადამკვირვებლო ორგანიზაციის მთავარი მაგინებელი, ევროსტრუქტურებში მიშას ხელისუფლების მთავარი რუპორი, მაკა ბოჭორიშვილი საგარეო საქმეთა მინისტრად დანიშნეთ არა? არ დამიწყოთ ახლა სალომე სამადაშვილის ნათქვამს როგორ იჯერებო. უიმისოდაც კარგად ვიცოდით ევროსტრუტურებში ვინ გვებრძოდა, როცა 2012-ში არჩევნების სამართლიანად ჩატარებითვის და აქ აღმოჩენილ დარღვევებზე რეაგირებისთვის აკლებული გვქონდა ევროპაც და აშშ-ც. ვინც იქ ხელისუფლებას იცავდა და რა მეთოდებით, ჩვენი ევროპელი მეგობრებისგან ზეპირად ვიცოდით, სახელებიც, გვარებიც, და ოპოზიციის ლიდერებზე თუ ჩვენზე მათი დამამცირებელი გამონათქვამებიც კი. ჰოდა, ძვირფასო „ქართულო ოცნებავ“, ალბათ ესეც უნდა ჩავყლაპოთ და დავიჯეროთ, რომ ამ ქალბატონის საგარეო საქმეთა მინისტრად დაწინაურება კიდევ ერთი ლურსმანია ჩარჭობილი „ნაციონალური მოძრაობის დასასაფლავებელ კუბოზე, არა?

განვაგრძოთ, აი, წინა ხელისუფლების დროს ოპოზიციაში მყოფთათვის მიშასადმი პირფერობის და მონური დამოკიდებულების ერთ-ერთი სიმბოლო ვინც იყო, მიშას, მადიდებელი ოდებს რომ უძღვნიდა, „პოეტი“ სოსიაშვილი, „ქართული ოცნების” სიით პარლამენტის წევრად აირჩიეთ არა? პარლამენტი იქით იყოს, მოგისწრიათ და ეს „დამსახურებული“ კაცი, 2024 წლიდან საქართველოს მეცნიერებათა აკადემიის ნამდვილ წევრადაც კი აგირჩევიათ. ჰო, ამდენი მიშამაც ვერ მოიფიქრა! დიდი ისტორიკოსი ყოფილა, თურმე, იცოდით ამის შესახებ რამე ? მე არა, თუმცა, აბა ჩემისთანა გაუნათლებლების ცოდნა აქ რა მოსატანია.

კიდევ განვაგრძო? მინისტრები, პარლამენტის წევრები, გუბერნატორები, მერები ოცნების მიერ პოლიტიკურ თანამდებებზე დაწინაურებულ სააკაშვილი რეჟიმის მორჩილ მსახურთა ნუსხა საკმაოდ ვრცელია. დღეს თეა წულუკიანის კომისიაში, რომელმაც ვითომ ნაცები უნდა გაასამართლოს, სინამდვილეში კი ოცნების პოლიტიკურ ოპონენტებზე დასარევად არის შექმნილი, ერთი წევრი სააკაშვილისდროინდელი მაღალი რანგის ძალოვანია, შსს აჭარის დეპარტამენტის უფროსის მოადგილე და ქობულეთის პოლიციის ყოფილი უფროსია, მეორე დიპლომატია, რომელიც მიშამ ელჩობით დააჯილდოვა, რადგანაც საკონსტიტუციო კომისიის მდივანი იყო და კარგად მოამზადა ის კონსტიტუციური მოდელი, რომელიც 2012 წლის არჩევნების შემდეგ სააკაშვილს პრეზიდენტის სავარძლიდან მთავრობის თავმჯდომარის პოსტზე გადაჯდომის და ამ გზით შეუზღუდავი ძალაუფლების უვადოთ შენარჩუნების შესაძლებლობას მისცემდა. რას ერჩი, ეკუთვნოდა!

მოკლედ, კიდევ ერთხელ, დაილოცოს „ქართულო ოცნებავ“ შენი სამართალი! თქვენ კი მოგევლებათ ადრე თუ გვიან, მაგრამ იმ სულელებს რა ეშველება (უსინდისოებზე არ მაქვს საუბარი) სერიოზულად რომ კითხულობენ „ აბა ნაცის მობრუნება გინდა, ბიძი?“