კანის 75-ე კინოფესტივალის გახსნის ცერემონიაზე უკრაინის პრეზიდენტმა, ვოლოდიმირ ზელენსკიმ აუდიტორიას სიტყვით მიმართა – ამის შესახებ ინფორმაციას The New York Times ავრცელებს.
გამოცემის ცნობით, ფესტივალზე ზელენსკის გამოსვლას მაყურებლის ოვაციები მოჰყვა.
როგორც გამოცემა წერს, დისტანციური მიმართვისას ზელენსკიმ განიხილა ჩარლი ჩაპლინის სახელგანთქმული სატირა ფაშიზმის შესახებ, “დიდი დიქტატორი”, ასევე განიხილა ფილმი “აპოკალიფსი ახლა”.
მან, ასევე ისაუბრა იმაზე, როგორ ასახავს ისინი ომსა და დიქტატორებს. მან აუდიტორიას უთხრა:
,,ადამიანების სიძულვილი გაქრება, დიქტატორები წავლენ და ძალაუფლება ხალხს დაუბრუნდება. ვიდრე კაცობრიობა ცოცხლობს თავისუფლება არ მოკვდება“, – თქვა ზელენსკიმ ჩაპლინის „დიდი დიქტატორის“ ციტირებით.
მან მოიხსენია მეორე მსოფლიო ომის დროს კინოს ძალა, მათ შორის ჩარლი ჩაპლინის ფილმი “დიდი დიქტატორი”, რომელიც დასცინოდა ადოლფ ჰიტლერს. შემდგომ, მან აპლოდისმენტები მიიღო საფრანგეთის რივიერაზე შეკრებილი ხალხისგან.
”ისევ, როგორც ახლა, არის დიქტატორი. ისევ როგორც ახლა, არის ომი თავისუფლებისთვის. ისევ ისე, როგორც ახლა, კინო არ უნდა იყოს მდუმარე. ჩვენ გვჭირდება ახალი ჩაპლინი, რათა დაამტკიცოს დღეს, რომ კინო არ არის უხმო“, – თქვა ზელენსკიმ.
The New York Times აღნიშნავს, რომ ზელენსკის ორატორული გამოსვლა საოცრად ეფექტური იყო, მის ქვეყნის რუსეთთან საბრძოლველად საჭირო იარაღის, დახმარებისა და საერთაშორისო მხარდაჭერის უზრუნველსაყოფად.
ცნობისთვის, ზელენსკი ადრე თავადაც მსახიობი იყო, მონაწილეობდა “ხალხის მსახურში”, უკრაინულ სატელევიზიო სატირაში, რომელიც წინ უძღოდა ზელენსკის არჩევას უკრაინის პრეზიდენტად რეალურ ცხოვრებაში, 2019 წელს.
ავტორი
