ინტერვიუ მაცაცო ლომაძესთან _ პსპ-ს აფთიაქის მენეჯერთან
_ მაცაცო, რატომ აირჩიეთ ფარმაცევტის პროფესია?
_ ჩემს ოჯახში ადამიანებზე ზრუნვის დიდი ისტორია ინახება. ოზურგეთელებისთვის ცნობილია, რომ მამაჩემიც ვაჟა ლომაძე ფარმაცევტი იყო და საკუთარი აფთიაქი ჰქონდა. ჩემი მამიდაც ფარმაცევტად მუშაობდა და ბავშვობიდან ვფიქრობდი, რომ იმაზე უკეთესი არაფერია, იზრუნო ადამიანებზე და გაუადვილო მათ ჯანმრთელობაზე ზრუნვა. როცა გავიზარდე სწავლა სახელმწიფო სამედიცინო უნივერსიტეტში დავიწყე და მეც ფარმაცევტი გავხდი. ასე გავიზარდე და ამ ტრადიციას ვაგრძელებ დღესაც.
_ როდის შეუერთდით პსპ-ს გუნდს?
_ პსპ-ს გუნდს 2009 წელს შევუერთდი. პროფესიონალებისგან დაკომპლექტებული გუნდი იყო და ძალიან გამიხარდა, რომ მეც ამ გუნდის წევრი გავხდი. დიდი პასუხისმგებლობაა მუშაობდე ლიდერ კომპანიაში და თუ პროფესიონალი არ ხარ და მუდმივად არ ზრუნავ საკუთარი თავის განვითარებაზე, აქ მუშაობას ვერ შეძლებ. პსპ-ში მუდმივად მაქვს შესაძლებლობა, უფრო მეტად განვვითარდე. მუდმივად გვიტარდება ტრენინგები. 2011 წელს უკვე პსპ-ს მენეჯერი გავხდი და ჩემს გუნდთან ერთად ვცდილობ, გავუმარტივო ჩვენს მომხმარებლებს ჯანმრთელობაზე ზრუნვა.
_ რას ნიშნავს იყო პსპ-ს გუნდის წევრი?
_ პსპ ლიდერი კომპანიაა ყველა კრიტერიუმით. ეს დიდი პასუხისმგებლობაა. პსპ-ში ის მომწონს, რომ გარანტირებული ხარისხის მედიკამენტები გვაქვს. ხარისხზე ზრუნვა ჩვენი კომპანიის სავიზიტო ბარათია. ყველა მედიკამენტი, რომელიც ჩვენთან შემოდის, მსოფლიოს ყველაზე ცნობილი და დიდი ფარმაცევტული კომპანიების მიერაა მოწოდებული. სპეციალური ლაბორატორიები და ადამიანური რესურსი მუშაობს იმისთვის, რომ მედიკამენტები უმაღლესი ხარისხის იყოს. თუმცა, მარტო პროდუქტის საუკეთესო ხარისხი არაა მნიშვნელოვანი. ჩვენთვის მნიშვნელოვანია ის გუნდი, რომელიც დღეს ოზურგეთის მომხმარებელს ემსახურება.
ჩვენი გუნდი პროფესიონალებითაა დაკომპლექტებული და როგორც ერთი დიდი ოჯახი, ისე ვართ. ჩვენს მომხმარებლებსაც ისე ვუყურებთ, როგორც საკუთარი ოჯახის წევრებს და გვინდა, ყოველთვის დავეხმაროთ მათ. ჩვენ მომხმარებელთან ისე დავმეგობრდით, რომ ქუჩაში ძალიან ბევრი გვცნობს.
_ ოზურგეთელების გული პსპ-მ დიდი ხანია მოიგო. შემოდგომაზე განახლებული აფთიაქიც გაიხსნა. რა გეგმები გაქვთ?
_ პსპ-ში თითქმის მთელი ოზურგეთი დადის. პსპ-ს მართლაც ჩემი ოჯახის აფთიაქია. ჩვენთან მოსულებმა იციან, რომ აქ გარანტირებული ხარისხის მედიკამენტებს მიიღებენ. ვისაც პატარა ჰყავს ოჯახში, მანაც იცის, რომ პსპ-ში საბავშვო პროდუქტებზე ყოველთვის ყველაზე დაბალი ფასებია. ფასდაკლების დღეებზე კი მედიკამენტების პსპ-ში ყველაზე იაფია. თავის მოვლის საშუალებები ვისაც აინტერესებს, პსპ-ს კარი მათთვისაც ღიაა. ფრანგული, გერმანული, პოლონური კოსმეტიკა გვაქვს და ყოველთვის ვცდილობთ, ქალებს დავეხმაროთ, უკეთ გამოიყურებოდნენ.
ჩვენი ფარმაცევტები ადგილობრივები არიან. იმ დღეს ვსაუბრობდით, რომ ძალიან საამაყოა, როცა ქუჩაში მომხმარებელი გვხვდება და გვესალმება. ჩვენ მუდმივად კეთილგანწყობილი ვართ და ენერგიას არ ვიშურებთ, დავეხმაროთ ადამიანებს.
განახლებული აფთიაქი გიორგობას გავხსენით. ყველას მოსწონს ჩვენი გარემო. მიხარია, რომ ოზურგეთში ასეთი ფორმატის აფთიაქი გაიხსნა და არამარტო მედიკამენტების, არამედ ბავშვთა მოვლისა და კოსმეტიკის საშუალებებიც უხვადაა წარმოდგენილი ჩვენს აფთიაქში. რა თქმა უნდა, დღეს ფასები ყველაზე მნიშვნელოვანია და ამაყი ვარ, განვაცხადო, რომ პსპ-ში დღეს ასეულობით დასახელების მედიკამენტზე და სხვა პროდუქტზე ყველაზე დაბალი ფასებია. პსპ-ს ფასდაკლების ბარათით კი თითქმის ყველა პროდუქტზე დამატებითი ფასდაკლებებია.
მალე პსპ-ს გათამაშება მოდის. მინდა ყველა ოზურგეთელს გამარჯვება ვუსურვო. ჩვენს აფთიაქში მოსულ მომხმარებელს დიდი შანსი აქვს მოიგოს გარემონტებული ბინა თბილისში, 25 000 ლარი ან კიდევ მომდევნო 10 წლის განმავლობაში ყოველთვე 1000 ლარიანი ხელფასი. ანუ მომხმარებელი, ვინც გაიმარჯვებს 2028 წლამდე 1000-ლარიან ხელფასს მიიღებს. თუმცა, ისიც უნდა აღვნიშნო, რომ პსპ-ს მომხმარებელი ყოველთვის გამარჯვებულია, რადგანაც ყველაზე ხარისხიან პროდუქტს ყველაზე დაბალ ფასად იღებს.
(R)
