ფინალური შეხვედრა გაიმართა დღეს საღამოს 7 საათზე სამტრედიის მუნიციპალიტეტში, რკინიგზელთა დასახელებაში მინი სტადიონზე ფეხბურთში. პირველი- მეორე ადგილისთვის ერთმანეთს შეხვდნენ ადგილობრივი კომახოურისა და სოფელ იანეთის გუნდები.
ტრადიციული ტურნირი აგვისტოს ომში დაღუპული გმირების ხსოვნას ეძღვნება, რომელიც, დაახლოებით, მეოთხე წელია, სამტრედიის მუნიციპალიტეტში იმართება.
ტურნირი მინი ფეხბურთში ორ აგვისტოს დაიწყო, გაგრძელდა მთელი კვირის განმავლობაში და მასში მონაწილეობა მიიღო 13 გუნდმა.
აგვისტოს ომში დაღუპული გმირების ხსოვნისადმი მიძღვნილი ტურნირის ინიციატორი და ორგანიზატორია სამტრედიის მუნიციპალიტეტის მერიის კულტურის და სპორტის სამსახური.
თამაში საკმაოდ დაძაბულ და საინტერესო ვითარდებაში მიმდინარეობდა. საბოლოოდ გაიმარჯვა და პირველი ადგილი დაიკავა სოფელ იანეთის გუნდმა. თასი, მედლები და ათასი ლარი ჯილდო სამტრედიის მუნიციპალიტეტის მერმა, ვალერიანე ფოცხვერიამ გამარჯვებულ გუნდს გადასცა. მეორე ადგილზე გავიდა ადგილობრივი კომახოურის გუნდი, რომელსაც მედლები და ფულადი ჯილდო 700 ლარი მუნიციპალიტეტის მერის მოადგილემ, დავით ბახტაძემ გადასცა.
მესამე ადგილზე გასულ, ნაჩხატაურის გუნდს მედლები და 500 ლარი ფულადი ჯილდო გადასცა საკრებულოს წევრმა, ვეტერანმა ფეხბურთელმა ტარიელ დვალიშვილმა.
2008 წლის აგვისტოს ომში სამტრედიის მუნიციპალიტეტიდან დაღუპულია 4 ახალგაზრდა, აქედან ორი, მარლენ ბარამია და ლევან მელქაძე შინდისის გმირები არიან. ლაშა თევზაძე და ავედიკ ლომიძე სამაჩაბლოს ომში საქართველოს დამოუკიდებლობისათვის ბრძოლაში გმირულად დაიღუპნენ.
[sexy_author_bio]
