ჯანდაცვის მსოფლიო ორგანიზაცია ქვეყნებს მოუწოდებს კოვიდპანდემიის მიმართ სიფხიზლე გამოიჩინონ.
ჯანმოში აცხადებენ, რომ ქვეყნების ნაწილში კოვიდტესტების შემცირების ფონზე კოვიდ-19-ის შემთხვევების გლობალური ზრდაის მაჩვენებელი ციფრები შესაძლოა ბევრად უფრო დიდი პრობლემა იყოს.
ინფიცირების შემთხვევების შემცირებიდან ერთი თვის თავზე გლობალურად ინფიცირების ახალი შემთხვევების ზრდა შეინიშნება.აზიასა და ჩინეთში, ჯილინის პროვინციაში პანდემიის შეკავებას ისევ ლოკდაუნით ცდილობენ.
როგორც ცნობილია, კორონავირუსის ვარიანტი ომიკრონი ძალიან სწრაფად გადამდებია, ასევე სწრაფად ვრცელდება ომიკრონის მსგავსი BA.2 ვარიანტიც.
”ეს ზრდა ხდება ზოგიერთ ქვეყანაში ტესტირების შემცირების მიუხედავად, რაც ნიშნავს, რომ შემთხვევები, რომლებსაც ჩვენ ვხედავთ, მხოლოდ აისბერგის მწვერვალია”, – განუცხადა ჯანდაცვის მსოფლიო ორგანიზაციის ხელმძღვანელმა ტედროს ადანომ გებრეიესუსმა ჟურნალისტებს.
ინფიცირების შემთხვევების ზრდაზე მეტყველებს ზოგიერთ ქვეყანაში ვაქცინაციის დაბალი მაჩვენებელიც, რაც გამოწვეულია “დეზინფორმაციის დიდი რაოდენობით”.
არაერთმა ექსპერტმა გამოთქვა შეშფოთება, რომ ევროპას კიდევ ერთი კოროვირუსული ტალღა ემუქრება, რადგან მარტის დასაწყისიდან გაიზარდა ავსტრიაში, გერმანიაში, შვეიცარიაში, ნიდერლანდებსა და გაერთიანებულ სამეფოში.
