28 აგვისტოს, მარიამობის დღესასწაულზე, აკეთში ტრადიციული დოღი გაიმართა.
აკეთში დოღის გამართვის ტრადიცია გასული საუკუნის 90-იან წლებში ჩაისახა და ყოველ წელს, 28 აგვისტოს, მდინარე სუფსის ნაპირას, აკეთი–ნაგომრის დამაკავშირებელი ხიდის მიმდებარედ ტარდება.
2025 წელს მონაწილეთა რეკორდული რაოდენობა დაფიქსირდა _ დოღში მონაწილეობდა 30-მდე მხედარი გურიის სამივე მუნიციპალიტეტიდან და მეზობელი რაიონების სხვადასხვა სოფლებიდან.
ტრადიციული დოღის ფარგლებში ოთხი გარბენი გაიმართა.
წელს პირველად ცალკე გარბენი მოეწყო სოფლის ცხენებსა და შერეული ჯიშის ცხენებს შორის.
გამარჯვებულები
ერთწრიანი გარბენი (სოფლის ცხენები):
1 ადგილი — კონსტანტინე კვაჭანტირაძე
2 ადგილი — ლიზი ხოფერია
3 ადგილი — ვალერი ნუცუბიძე
ორწრიანი გარბენი (სოფლის ცხენები):
1 ადგილი — მიშო ნინუა
2 ადგილი — ლევან სიხარულიძე
3 ადგილი — უჩა ურუშაძე
შერეული ჯიშის ცხენების ორწრიანი გარბენი:
1 ადგილი — დათო ნანაძე
2 ადგილი — ანზორ კუტაკიძე
3 ადგილი — შალვა მექვაბიშვილი
ორწრიანი „მარულა“:
1 ადგილი — ტელმან ბერიძე
2 ადგილი — გიორგი ცინცაძე
3 ადგილი — მიშო ნინუა
სპორტული ღონისძიებები
აკეთში სპორტული დღესასწაული დოღით არ დასრულებულა. გაიმართა ფრენბურთის შეჯიბრიც, სადაც ქვემო და ზემო აკეთის გუნდებთან ერთად მონაწილეობდნენ გაგურისა და ჭანჭათის გუნდებიც.
პირველ ადგილზე, ისევე როგორც 2024 წელს, ქვემო აკეთის გუნდი გავიდა.
მხარდამჭერები:
ღონისძიებას დამატებითი საპრიზო ფონდი კომპანია „კრიმანჭულის გზა“-მ დააწესა.
ისევე როგორც გასულ წელს, 2025 წელსაც ეს კომპანია იყო ღონისძიების მთავარი მხარდამჭერი. კომპანიის განცხადებით, მთავარი პრიორიტეტი მონაწილეთა უსაფრთხოებაა. სწორედ ამიტომ, კომპანია მეორე წელია უზრუნველყოფს მხედრებს სპეციალური ჩაფხუტებით და ზრუნავს სარბენი ბილიკის შემოსაზღვრაზეც.
