|
1 სექტებერს, ოზურგეთში გასართობი ცენტრი „ლაბირინთი“ გაიხსნა! ეს არის ადგილი უამრავი სახალისო აქტივობით, საბავშვო კინოთეატრით, პატარების უსაყვარლესი ზღაპრების გმირებით. რაც მთავარია, დღესასწაულებს წარუძღვება ოზურგეთის მოსახლეობის უსაყვარლესი ანიმატორი თამთა, რომელიც ბავშვებს ამოგზაურებს ზღაპრულ სამყაროში.
საზეიმო გახსნას უამრავი ოზურგეთელი ბავშვი ესწრებოდა,მშობლებთან ერთად. _ მე ფრთები შევასხი ჩემს ოცნებას _ პანდემიის დროს გადმოვედი თბილისიდან ოზურგეთში და მას შემდეგ ლარს ლარზე ვაწებებდი, რომ ჩემი ჩანაფიქრი განმეხორციელებინა. როდესაც დავიწყე სურვილის რეალობაში მოყვანა, ღმერთმა ზუსტად ის ადამიანები გამომიგზავნა, რომლებიც მჭირდებოდა ამ საქმისთვის და უდიდესი მადლობა მათ! „შენს ჯიბეში დევს შენი ძალიან მაგარი მომავლის გასაღები“ _ მითხრა ამ საქმიანობის დასაწყისში ჩემმა ბიზნეს კონსულტანტმა მარიკა შელიამ. მე დავიჯერე და დავიწყე დიდი საქმე, ჩვენი მომავალი თაობის, ძვირფასი ბავშვების საუკეთესო დღეების და წლების გასაბრწყინებლად, რომლებიც შეძლებენ „ყოველი წუთი აქციონ დღესასწაულად!“ _ თქვა ცენტრის გახსნისას „ლაბირინთის“ დამფუძნებელმა, ახალგაზრდა ქალბატონმა ანი ომანიძემ. „ეს არის ჩენთვის უდიდესი საქმე, ჩვენი შვილების აღსაზრდელად, მათი განვითარებისთვის, შემეცნების გაფართოებისთვის, დასვენებისა და სიმშვიდისთვის. ასეთი ინტეგრირებული მიდგომა, ვფიქრობთ, საუცხოო შედეგს გამოიღებს…ძალიან გვიხარია“, _ამბობენ ბავშვების მშობლები _ სალომე თოიძე და სხვები.
„საქართველოს გაუმარჯოს, მიხარიაა!“ _ ბატუტზე „ამხედრებისთანავე“ შესძახა ოთხი წლის ბუტა ტრაპაიძემ. „ლაბირინთის“ კუთხე-კუნჭული საუცხოოდ არის მორთულ-მოკაზმული, გამართულია ინფრასტრუქტურა. აქ ბავშვებს სრული შესაძლებლობა ექნებათ ნაირ-ნაირი ღონისძიებების მოსაწყობად, ჰარმონიული განვითარებისთვის ესოდენ საჭირო სპექტაკლებში მონაწილეობის მისაღებად, იდეალურ გარემოში დასასვენებლად… ყველაზე მოსახერხებელი და საჭირო სერვისი_ ბავშვების დატოვება სასურველი საათების განმავლობაში, ყველა მშობლის დიდი სურვილია. აქ ყველა პირობაა შექმნილი, მაქსიმალური ხელშეწყობით, თანამედროვე დონეზე ყოველმხრივი მომსახურებით, შესაფერისი ზღაპრული გარემო შეექმნას ოზურგეთელ პატარებს! მობრძანდით, ძვირფასო და სასურველო სტუმრებო-ბავშვებო_ ოზურგეთი, წულაძის 17, ტელეფონი: 511408084 |
Developed By Web Features 2026 © All rights reserved